திண்டுக்கல்

பணி நேரம் அதிகரிப்பு: அரசாணைக்கு எதிராக மருத்துவா்கள் ஆா்ப்பாட்டம்

8th Aug 2022 10:30 PM

ADVERTISEMENT

அரசு ஆரம்ப சுகாதார நிலையங்களில் பணிபுரியும் மருத்துவா்கள் மற்றும் பணியாளா்களுக்கு பணி நேரம் அதிகரித்து பிறப்பிக்கப்பட்ட உத்தரவை திரும்பப் பெற வலியுறுத்தி திங்கள்கிழமை ஆா்ப்பாட்டம் நடைபெற்றது.

திண்டுக்கல் அரசு மருத்துவக் கல்லூரி மருத்துவமனை முன்பு நடைபெற்ற ஆா்ப்பாட்டத்திற்கு தமிழ்நாடு அரசு மருத்துவா் சங்கத்தின் மாநிலச் செயலா் (பொது சுகாதாரத்துறை பிரிவு) அ.சீனிவாசன் தலைமை வகித்தாா். அவா் கூறியதாவது: தமிழகத்திலுள்ள ஆரம்ப சுகாதார நிலையங்களில் மருத்துவா்களுக்கு காலை 8 முதல் மாலை 4 மணி வரை பணி நேரமாக அறிவித்து அரசாணை வெளியிடப்பட்டுள்ளது. தமிழகத்தில் 11 லட்சத்துக்கும் கூடுதலான ஆசிரியா்கள் மற்றும் அரசு ஊழியா்கள் வாரத்திற்கு 37.5 மணி நேரம் மட்டுமே பணி புரிகின்றனா். ஆனால் ஆரம்ப சுகாதார நிலையங்களில் வாரத்திற்கு 42 மணி நேரம் மற்றும் அழைப்பு பணி 5 மணி நேரம் செய்ய வேண்டிய நிலை இருந்து வந்தது. இந்நிலையில், புதிய அரசாணை மூலம் வாரத்திற்கு 48 மணி நேரப் பணி மற்றும் 5 மணி நேர அழைப்பு பணி என மாற்றம் செய்யப்பட்டுள்ளது.

அரசு ஊழியா்களுக்கு சராசரியாக வாரத்திற்கு 40 மணி நேரம் வேலை என்பதையே ஊதியக் குழு பரிந்துரைத்துள்ளது. மத்திய சுகாதார அமைச்சகத்தின் சாா்பில், செவிலியா்களுக்கு வாரத்திற்கு 40 மணி நேரம் வேலை என பரிந்துரைக்கப்பட்டுள்ளது.

எனவே, ஆரம்ப சுகாதார நிலைய மருத்துவா்களின் பணி நேரத்தை அதிகரிக்கும் அரசாணையை திரும்பப் பெற வேண்டும் என்றாா். ஆரம்ப சுகாதார நிலைய மருத்துவா்கள் மற்றும் இதரப் பணியாளா்கள் (மருத்துவம் சாராத பணியாளா்கள்) அனைவருக்கும் காலை 9 முதல் மாலை 4 மணி வரை என பணி நேரத்தை திருத்தி அமைக்க வலியுறுத்தி ஆா்ப்பாட்டத்தில் பங்கேற்றவா்கள் கோஷமிட்டனா்.

ADVERTISEMENT

தீா்மானம்:ஆா்ப்பாட்டத்தின் போது, பொது சுகாதாரத் துறையில் பணிபுரியும் மருத்துவா்கள் அலுவலக ரீதியான வாட்ஸ் ஆப் குழுக்களிலிருந்து வெளியேறுதல், மாவட்ட ஆட்சியா், சுகாதாரப்பணிகள் துணை இயக்குநா் ஆகியோா் நடத்தும் ஆய்வுக் கூட்டங்களில் பங்கேற்பதில்லை, துறை ரீதியான எந்த ஒரு அறிக்கையையும் அனுப்புவதில்லை, ஞாயிற்றுக்கிழமைகளில் நடைபெறும் கரோனா தடுப்பூசி முகாம்களை புறக்கணித்தல் என்பன உள்ளிட்ட பல்வேறு தீா்மானங்கள் நிறைவேற்றப்பட்டுள்ளன.

ADVERTISEMENT
ADVERTISEMENT