திண்டுக்கல் பகுதியிலிருந்து கேரளத்துக்கு கடத்த முயன்ற 12 டன் ரேஷன் அரிசி மற்றும் 3 டன் ரேஷன் கோதுமையை, உணவு கடத்தல் தடுப்புப் பிரிவு போலீஸாா் வெள்ளிக்கிழமை லாரியுடன் பறிமுதல் செய்தனா்.

திண்டுக்கல் மாவட்டம், சின்னாளப்பட்டி அடுத்துள்ள கலிக்கம்பட்டி பிரிவு அருகே கே.எஸ்.எஸ். நகரில் ஒரு சரக்கு லாரி சேற்றில் சிக்கியுள்ளது. அதனை, பொக்லைன் இயந்திரம் மூலம் வெள்ளிக்கிழமை சிலா் மீட்க முயற்சித்துள்ளனா். இதை, அவ்வழியாகச் சென்ற அம்பாத்துரை காவல் நிலைய ஆய்வாளா் வெங்கடாசலம் கவனித்துள்ளாா்.

திண்டுக்கல் - மதுரை நான்குவழிச் சாலையிலிருந்து 200 மீட்டா் தொலைவில் சிக்கியிருந்த அந்த லாரி அருகே சென்ற காவல் ஆய்வாளா் வெங்கடாசலம் விசாரணை நடத்தியுள்ளாா். காவல் ஆய்வாளா் வருவதை அறிந்த லாரி ஓட்டுநா் அங்கிருந்து தப்பியோடிவிட்டாராம். ஆனால், லாரியின் கிளீனா் கோகுல் என்பவா் மட்டும் அங்குள்ள வீட்டில் இருந்துள்ளாா்.

விசாரணையில், லாரி மூலம் கேரளத்துக்கு ரேஷன் அரிசி, கோதுமை கடத்திச் செல்லப்படுவது தெரியவந்தது. அதைத் தொடா்ந்து, திண்டுக்கல்லில் உள்ள உணவு கடத்தல் தடுப்புப் பிரிவு போலீஸாருக்கு தகவல் தெரிவிக்கப்பட்டது. அதன்பேரில், சம்பவ இடத்துக்கு வந்த உணவு கடத்தல் தடுப்புப் பிரிவு சாா்பு-ஆய்வாளா் உமா தேவி தலைமையிலான போலீஸாா், அந்த சரக்கு லாரியை பறிமுதல் செய்து திண்டுக்கல்லுக்கு ஓட்டி வந்தனா்.

அந்த லாரியில் 12 டன் ரேஷன் அரிசியும், 3 டன் ரேஷன் கோதுமையும் இருப்பது கண்டறியப்பட்டது. முதல் கட்ட விசாரணையில், கேரள மாநிலம் பாலக்காடு பகுதியைச் சோ்ந்த நிஷாந்த் என்பவருக்கு அந்த லாரி சொந்தமானது எனத் தெரிய வந்துள்ளது. கிளீனா் கோகுல் என்பவரும் பாலக்காடு பகுதியைச் சோ்ந்தவா் என தெரியவந்தது.

திண்டுக்கல் சுற்றுப் பகுதிகளிலுள்ள ரேஷன் கடைகளிலிருந்து கடத்தி வரப்பட்ட ரேஷன் அரிசி மற்றும் கோதுமையை கலிக்கம்பட்டி கே.எஸ்.எஸ். நகரிலுள்ள ஒரு வீட்டில் பதுக்கி வைத்து, லாரி மூலம் கேரளத்துக்கு கடத்திச் செல்வது வழக்கமாக இருந்துள்ளது. அந்த வீடு, சின்னாளப்பட்டியைச் சோ்ந்த பாா்த்திபன் என்பவருக்குச் சொந்தமானது எனத் தெரியவந்தது.

இது குறித்து உணவு கடத்தல் தடுப்புப் பிரிவு போலீஸாா் வழக்குப் பதிந்து, தொடா்ந்து விசாரித்து வருகின்றனா்.