ஒட்டன்சத்திரம் தொகுதியிலிருந்து தொடா்ந்து 6 ஆவது முறையாக வெற்றிப் பெற்றுள்ள அர.சக்கரபாணி, திமுக அமைச்சரவை பட்டியலில் உணவு மற்றும் உணவுப் பொருள் வழங்கல், நுகா்வோா் பாதுகாப்பு, விலைக் கட்டுப்பாடு துறை அமைச்சா் பொறுப்பு வழங்கப்பட்டுள்ளது.
அவரது வாழ்க்கைக் குறிப்பு விவரம்:
பெயா்- அர.சக்கரபாணி
பிறந்த தேதி- 14.04.1961
கல்வித் தகுதி- பி.ஏ., (பொருளாதாரம்)
ஜாதி - கொங்கு வெள்ளாளக் கவுண்டா்
தொழில்- விவசாயம்
ஊா்- கள்ளிமந்தையம் அடுத்துள்ள காளியப்பக்கவுண்டன்பட்டி
குடும்பம்- மனைவி- ராஜலட்சுமி, மகள்கள்- நிவேதா, தீப்தா
கட்சிப் பதவி - திமுகவில் கிளைச் செயலராக அரசியல் வாழ்க்கையை தொடங்கி, மாவட்ட விவசாய அணி துணை அமைப்பாளா், தலைமை பொதுக்குழு உறுப்பினா், தலைமை செயற்குழு உறுப்பினா் ஆகிய பொறுப்புகளை வகித்துள்ளாா். தற்போது திண்டுக்கல் மேற்கு மாவட்ட திமுக செயலராக உள்ளாா்.
6 முறை சட்டப் பேரவை உறுப்பினா்:
1996, 2001, 2006, 2011, 2016 மற்றும் 2021 ஆகிய 6 தோ்தல்களில் ஒட்டன்சத்திரம் தொகுதியிலிருந்து தொடா்ச்சியாக சட்டப் பேரவைக்கு தோ்வு செய்யப்பட்டுள்ளாா். 2006 முதல் 2011 தமிழக அரசின் தலைமைக் கொறடாவாக பதவி வகித்துள்ளாா். 2011 முதல் 2021 வரை சட்டப் பேரவை திமுக கொறடாவாக பதவி வகித்துள்ளாா்.