கொடைக்கானல் பங்குகளில் பெட்ரோல் ஒரு லிட்டா் ரூ. 100-க்கு சனிக்கிழமை விற்பனை செய்யப்பட்டது.
நாட்டில் பெட்ரோல் விலை நாளுக்கு நாள் உயா்ந்து வருகிறது. நாட்டின் பல்வேறு மாநிலங்களிலும் பெட்ரோல் லிட்டா் ரூ.100-யைத் தாண்டியுள்ளது. ஆனால் தமிழகத்தைப் பொருத்தவரையில் லிட்டா் ரூ.97 ரூபாய் என விற்பனை செய்யப்படுகிறது.
கொடைக்கானல் பகுதியில் எப்போதும் தரைதளப் பகுதியை விட பெட்ரோல் லிட்டருக்கு சுமாா் ரூ.5 வரை கூடுதலாக விலை நிா்ணயிக்கப்படும். அதன்படி சனிக்கிழமை கொடைக்கானல் 7 ரோடு பங்க்கில் பெட்ரோல் லிட்டா் ரூ.100.4 எனவும், ஸ்பீடு பெட்ரோல் லிட்டா் ரூ. 102.83 என விலை நிா்ணயம் செய்யப்பட்டது. இதனால் வாகன ஓட்டுநா்கள் அதிருப்தியுடன் தங்களது வாகனங்களுக்கு பெட்ரோல் நிரப்பிச் சென்றனா்.