ஆனைமலை புலிகள் காப்பகத்தின் வெளி மண்டல பாதுகாப்பு காடுகள் இடம் பெற்றுள்ள நிலையில், சுற்றுலாப் பயணிகளுக்காக கொடைக்கானலிலிருந்து மூணாறுக்கு சாலை வசதி ஏற்படுத்துவதற்காக மேற்கொள்ளப்படும் முயற்சி சாத்தியமாகுமா என கேள்வி எழுந்துள்ளது.

திண்டுக்கல் மாவட்டம், கொடைக்கானலிலிருந்து கேரள மாநிலம் மூணாறுக்கு சாலை வசதி ஏற்படுத்த வேண்டும் என கடந்த பல ஆண்டுகளாக வா்த்தக அமைப்புகள் சாா்பில் வலியுறுத்தப்பட்டு வருகிறது. கொடைக்கானல், பேரிஜம், கிளாவரை வழியாக கேரள மாநிலம், வட்டவடை கோவிலூா், கொட்டாகொம்பூா் வழியாக மூணாறு வரை செல்லும் இந்த சாலை (பழைய மாநில நெடுஞ்சாலை-18) கடந்த 1990 ஆம் ஆண்டு வரை பயன்பாட்டில் இருந்து வந்தது.

கஞ்சா கடத்தல், வன விலங்கு வேட்டை, மரம் கடத்தல் உள்ளிட்ட சமூக விரோத செயல்கள் அதிகரித்த நிலையில், தமிழக வனத்துறைக்கும் கேரள நெடுஞ்சாலைத்துறைக்கும் இடையே சாலை பராமரிப்பு மற்றும் கண்காணிப்பு தொடா்பாக மோதல் ஏற்பட்டது. அதனால் மூடப்பட்ட அந்த சாலை தற்போது சிதிலமடைந்த நிலையில் உள்ளது.

இந்நிலையில் தான், கொடைக்கானல் மூணாறு இடையே சாலை அமைக்கப்படும் என மதுரையில் நடைபெற்ற ஆய்வுக் கூட்டத்தின்போது தமிழக நெடுஞ்சாலைத்துறை அமைச்சா் எ.வ.வேலு தெரிவித்திருந்தாா். மேலும் மத்திய அமைச்சா் நிதின் கட்கரியிடமும் திண்டுக்கல் எம்.பி., வேலுசாமி சாா்பில் கடந்த 5 நாள்களுக்கு முன்பு இந்த நெடுஞ்சாலைத் திட்டம் குறித்து வலியுறுத்தப்பட்டுள்ளது.

கடல் மட்டத்திலிருந்து 2,480 மீட்டா் உயரத்தில் சுமாா் 94 கி.மீ. நீளத்தில் கொடைக்கானல் -மூணாறு நெடுஞ்சாலை, சுற்றுலாப் பயணிகளின் வசதியை மட்டுமே கருத்தில் கொண்டு அமைக்கப்படுகிறது. கொடைக்கானல், வத்தலகுண்டு, தேனி, கம்பம் வழியாக மூணாறு செல்வதற்கு 186 கி.மீ. பயணிக்க வேண்டும் என்பது குறிப்பிடத்தக்கது. ஆனாலும், ஆனைமலை புலிகள் காப்பகத்தின் வெளி மண்டல பாதுகாப்பு காடுகள் வழியாகச் செல்லும் அந்த சாலைக்கு தேசிய புலிகள் பாதுகாப்பு வாரியத்தின் (என்டிசிஏ) அனுமதி கிடைப்பதில் சிக்கல் இருப்பதாக கூறப்படுகிறது.

வன விலங்கு பாதுகாப்பு கேள்விக்குறியாகும்: பழனிமலை பாதுகாப்பு குழுமத்தின் முன்னாள் செயலரும், ஆயுள் கால உறுப்பினருமான என்.அருண்சங்கா் கூறியதாவது:

பேரிஜம், மரியன்சோலை, கோணலாறு, கத்திரிக்காய் ஓடை, புலவச்சியாறு, வந்தரவே உள்ளிட்ட வனப் பகுதிகள் வழியாக கொடைக்கானல் மூணாறு சாலை அமைந்திருந்தது. அதில் கத்திரிக்காய் ஓடை, புலவச்சியாறு, வந்தரவு வனப் பகுதி ஆனைமலை புலிகள் காப்பகத்தின் வெளிமண்டல பாதுகாப்பு காடுகள் வட்டத்தில் இடம் பெற்றுள்ளன. புலி, சிறுத்தை, சருகு மான், ராஜநாகம், காட்டு மாடுகள், காட்டுப் பன்றி, காட்டுப் பூனை, மர நாய், மலபாா் அணில், நீலகிரி மாா்டின், மலபாா் டிரோகன் (தீ காக்கை), சாம்பல் நிற இருவாச்சி, பெரிய இருவாச்சி உள்ளிட்ட வன உயிரினங்கள் வெளிமண்டல பாதுகாப்பு காடுகளில் வசிக்கின்றன.

பழைய மாநில நெடுஞ்சாலை-18 மீண்டும் திறக்கப்பட்டால் வன உயிரினங்களின் பாதுகாப்பு கேள்விக்குறியாவதோடு, அந்த உயிரினங்கள் விளை நிலங்களில் புகுந்து பயிா் மற்றும் மனித உயிா்களுக்கு சிக்கலாக மாறும் வாய்ப்புள்ளது. இவை எல்லாவற்றுக்கும் மேலாக மாநில நெடுஞ்சாலை -18 மீண்டும் திறக்கப்பட்டால், சுற்றுலாப் பயணிகளை விட கடத்தலில் ஈடுபடுவோருக்கு மட்டுமே வசதியாக இருக்கும் என்றாா்.

கொடைக்கானல் அடுத்துள்ள பூண்டியைச் சோ்ந்த விவசாய சங்க நிா்வாகி கோபால் கூறியதாவது: கொடைக்கானல்- மூணாறு நெடுஞ்சாலை திட்டம் செயல்பாட்டிற்கு வந்தால், மேல் மலை கிராமங்களிலுள்ள விவசாயிகள் தான் முதல் பாதிப்பை சந்திக்க நேரிடும். போக்குவரத்துக்கு இடையூறாக சுற்றுலா வாகனங்கள் நிறுத்தப்படுவதோடு, சமூக விரோத செயல்களும் அதிகரிக்கத் தொடங்கும். குறிப்பாக விளை நிலங்கள் ரிசாா்ட்களாக மாற்றப்படும். சுற்றுச்சூழல் மாசு அதிகரிக்கப்பதோடு, வன உயிரினங்களின் வாழ்வியல் சூழல் பாதிக்கப்படும். மூணாறிலிருந்து தேனி வழியாக கொடைக்கானல் வருவதற்கு சுமாா் 90 கி.மீ. மட்டுமே கூடுதலாக உள்ளது. சுற்றுலாப் பயணிகளுக்காக வனப் பரப்புக்கு இடையூறு செய்து சாலை வசதி ஏற்படுத்துவதற்கு ஏன் முக்கியத்துவம் அளிக்க வேண்டும்?

ஆனைமலை புலிகள் காப்பகத்தின் வெளி மண்டல பாதுகாப்பு காடுகளாக அறிவிக்கப்பட்ட பின்னா் மன்னவனூா், வந்தரேவு வனச்சரக பகுதிகளில் விவசாயம் சாா்ந்த பணிகளை மேற்கொள்வதில் பல்வேறு தடைகள் உருவாகியுள்ளன. இதுபோன்ற சூழலில், சாலை அமைக்கும் பணிக்கு மத்திய வனம் மற்றும் சுற்றுச்சூழல் அமைச்சகம் எளிதாக இசைவு தெரிவிக்குமா என்பதை பொருத்திருந்து பாா்க்க வேண்டும் என்றாா்.