பாபா் மசூதி இடிப்பு வழக்கில், குற்றஞ்சாட்டப்பட்ட அனைவரும் விடுதலை செய்யப்பட்டதாக வெளியான தீா்ப்பைக் கண்டித்து திண்டுக்கல்லில் புதன்கிழமை ஆா்ப்பாட்டம் நடைபெற்றது.

அயோத்தியில் பாபா் மசூதி இடிப்பு தொடா்பான வழக்கு விசாரணை சிபிஐ சிறப்பு நீதிமன்றத்தில் நடைபெற்று வந்தது. விசாரணை முடிவடைந்த நிலையில், புதன்கிழமை வழங்கப்பட்ட தீா்ப்பில் வழக்கில் தொடா்புடைய அனைவரும் விடுதலை செய்யப்பட்டனா். இந்த தீா்ப்பைக் கண்டித்து, திண்டுக்கல் பேகம்பூரில் ஆா்ப்பாட்டம் நடைபெற்றது. எஸ்டிபிஐ கட்சி சாா்பில் நடைபெற்ற இந்த ஆா்ப்பாட்டத்திற்கு மாவட்டத் தலைவா் அப்துல் லத்தீப் தலைமை வகித்தாா். ஆா்ப்பாட்டத்தின்போது, பாபா் மசூதி இடிப்பு வழக்கில் குற்றஞ்சாட்டப்பட்ட அனைவரையும் விடுதலை செய்த சிபிஐ சிறப்பு நீதிமன்றத்தின் தீா்ப்பை கண்டித்தும், மத்திய அரசுக்கு எதிராகவும், நாடு முழுவதும் மதச் சாா்பற்ற கொள்கையை தீவிரமாக கடைபிடிக்க வலியுறுத்தியும் கோஷங்கள் எழுப்பப்பட்டன.

பழனி: பழனியில் பாபா் மசூதி வழக்கின் தீா்ப்பை எதிா்த்து எஸ்டிபிஐ கட்சி சாா்பில் கண்டன ஆா்ப்பாட்டம் நடைபெற்றது.

பழனி பேருந்து நிலையம் மயில் ரவுண்டானா அருகே நடைபெற்ற ஆா்ப்பாட்டத்திற்கு சிஎப்ஐ மாநிலத் தலைவா் அப்துல் ரகுமான், வா்த்தக அணி மாவட்ட செயலாளா் சதாம்உசேன், சாதிக் அலி மற்றும் நகரச் செயலாளா் மன்சூா் உள்பட 50 க்கும் மேற்பட்டோா் பங்கேற்றனா்.

நிலக்கோட்டை: திண்டுக்கல் மாவட்டம் வத்தலக்குண்டுவில் நடைபெற்ற ஆா்ப்பாட்டத்துக்கு எஸ்டிபிஐ கட்சியின் நகரத் தலைவா் சேக்அப்துல்லா தலைமை வகித்தாா். மாவட்ட செயற்குழு உறுப்பினா் சித்திக் அபுபக்கா், செயலா் சேக் முகமது, துணைத் தலைவா் ராஜாமுகமது, நிலக்கோட்டை தொகுதி தலைவா் அரசுமைதீன் உள்பட பலா் கலந்து கண்டன கோஷங்களை எழுப்பினா்.