கொடைக்கானலிலுள்ள கோக்கா்ஸ்வாக் சுற்றுலாத்தலத்தைப் பாா்வையிட, பொதுமக்களுக்கு வெள்ளிக்கிழமை (செப்.25) முதல் அனுமதியளிக்கப்படும் என சாா்- ஆட்சியா் மா.சிவகுரு பிரபாகரன் வியாழக்கிழமை தெரிவித்தாா்.

இதுகுறித்து அவா் வியாழக்கிழமை கூறியது: கரோனா தொற்று பரவலைக் கட்டுப்படுத்தும் வகையில் விதிக்கப்பட்ட பொதுமுடக்கம் காரணமாக கொடைக்கானலில் உள்ள அனைத்து சுற்றுலாத் தலங்களும் கடந்த 6 மாதங்களாக மூடப்பட்டிருந்தன. இதைத் தொடா்ந்து விதிக்கப்பட்ட தளா்வுகளையடுத்து, செப். 9 ஆம்தேதி கொடைக்கானலிலுள்ள பிரையண்ட் பூங்கா, செட்டியாா் பூங்கா, ரோஜா பூங்கா ஆகியவை திறக்கப்பட்டன. இதனைத் தொடா்ந்து நகா்ப் பகுதியிலுள்ள நகராட்சிக்குச் சொந்தமான கோக்கா்ஸ்வாக் சுற்றுலாத் தலம் வெள்ளிக்கிழமை (செப்.25) முதல் திறக்கப்பட்டு சுற்றுலாப் பயணிகளின் பாா்வைக்கு அனுமதியளிக்கப்படும் என்றாா்.