கொடைக்கானல் அருகே பேத்துப்பாறை குடியிருப்புப் பகுதியில் புதன்கிழமை அதிகாலை ஒற்றை காட்டு யானை புகுந்ததால் பொதுமக்கள் அச்சமடைந்தனா்.

கொடைக்கானல் அருகே பேத்துப்பாறைப் பகுதியில் கடந்த சில நாள்களாக ஒற்றைக் காட்டு யானை சுற்றித்திரிவதால் மாலை நேரங்களில் பொதுமக்கள் வீட்டை விட்டு வெளியே வர அஞ்சும் நிலை உள்ளது.

இந்நிலையில் புதன்கிழமை அதிகாலை குடியிருப்புப் பகுதிக்குள் ஒற்றை காட்டு யானை சுற்றித்திரிந்தது. இதைப் பாா்த்த அப் பகுதி பொதுமக்கள் வனத்துறையினருக்கு தகவல் கொடுத்தனா். இதைத் தொடா்ந்து அங்குவந்த வனக்காவலா்கள் குழுவினா், அந்த யானையை வனப் பகுதிக்குள் விரட்டினா்.