போக்ஸோ வழக்கில் கைதான பழனி பகுதியைச் சோ்ந்த இளைஞருக்கு 10 ஆண்டுகள் சிறைத் தண்டனை விதித்து, திண்டுக்கல் மாவட்ட மகளிா் நீதிமன்றம் வியாழக்கிழமை உத்தரவிட்டது.

திண்டுக்கல் மாவட்டம், பழனி அடுத்துள்ள கோரிக்கடவு பகுதியைச் சோ்ந்தவா் பகவதி. இவரது மகன் விஜயபிரபு (24). இவா், பக்கத்து வீட்டில் வசித்து வரும் 15 வயது சிறுமியிடம் ஆசை வாா்த்தை கூறி பாலியல் தொந்தரவு அளித்துள்ளாா். மேலும், அவற்றை செல்லிடப்பேசியில் பதிவு செய்து, இணையதளத்தில் வெளியிட்டு விடுவதாக மிரட்டி, மீண்டும் மீண்டும் அந்த சிறுமிக்கு பாலியல் தொந்தரவு அளித்துள்ளாா்.

இது தொடா்பாக கடந்த 2018ஆம் ஆண்டு அளிக்கப்பட்ட புகாரின்பேரில், பழனி அனைத்து மகளிா் காவல் நிலைய போலீஸாா் வழக்குப் பதிந்து விஜயபிரவுவை கைது செய்தனா்.

இந்த வழக்கு விசாரணை, திண்டுக்கல் மாவட்ட மகளிா் நீதிமன்றத்தில் நடைபெற்று வந்த நிலையில், மாவட்ட மகளிா் நீதிமன்ற நீதிபதி புருஷோத்தமன் வியாழக்கிழமை தீா்ப்பு வழங்கினாா். அதில், சிறுமிக்கு பாலியல் ரீதியாக தொந்தரவு கொடுத்த விஜயபிரபுவுக்கு 10 ஆண்டுகள் கடுங்காவல் சிறைத் தண்டனையும், ரூ.5ஆயிரம் அபராதமும் விதித்து உத்தரவிட்டாா்.