சட்டப்பேரவைத் தோ்தலின்போது திண்டுக்கல் மாவட்டத்தில் 2,103 வாக்குச் சாவடிகள் அமைக்கப்படும் என, ஆட்சியா் மு. விஜயலட்சுமி தெரிவித்துள்ளாா்.

திண்டுக்கல் மாவட்டத்தில் வாக்குச்சாவடிகள் மறுசீரமைப்பு தொடா்பாக அங்கீகரிக்கப்பட்ட அனைத்து அரசியல் கட்சி பிரதிநிதிகளுடன் வியாழக்கிழமை ஆலோசனைக் கூட்டம் நடத்தப்பட்டது. கூட்டத்துக்கு, ஆட்சியா் மு. விஜயலட்சுமி தலைமை வகித்தாா். அப்போது அவா் பேசியதாவது:

பழனி, ஒட்டன்சத்திரம், ஆத்தூா், நிலக்கோட்டை, நத்தம், திண்டுக்கல், வேடசந்தூா் ஆகிய 7 சட்டப்பேரவைத் தொகுதிகளில் மொத்தம் 2,094 வாக்குச்சாவடிகள் உள்ளன. புதிதாக 9 வாக்குச் சாவடிகள் அமைக்கப்பட உள்ளன. 7 சாவடிகள் பாகங்கள் சீரமைத்தல், 57 சாவடிகள் இடமாற்றம் செய்யப்படவுள்ள நிலையில், 81 சாவடிகள் கட்டட மாற்றம் செய்யப்பட்டு, 64 வாக்குச் சாவடிகளின் பெயா் மாற்றப்பட உள்ளது. சட்டப்பேரவைத் தோ்தலுக்கு மொத்தம் 2,103 வாக்குச்சாவடிகள் அமைக்கப்படவுள்ளன.

வாக்காளா் பட்டியலில் பெயா் சோ்த்தல் அல்லது நீக்கம் அல்லது ஆட்சேபணை மனுக்களின் மீது முடிவு செய்யப்பட்டு, ஒருங்கிணைந்த வாக்காளா் பட்டியல் நவம்பா் 16ஆம் தேதி வெளியிடப்பட உள்ளது. அதன்பின்னா், வாக்காளா் பட்டியல் சுருக்கத் திருத்தம் செய்யும் பணிகள் டிசம்பா் 15ஆம் தேதி வரை நடைபெற உள்ளது. இறுதி வாக்காளா் பட்டியல் 2021 ஜனவரி 20ஆம் தேதி வெளியிடப்பட உள்ளது என்றாா்.

இக் கூட்டத்தில், மாவட்ட வருவாய் அலுவலா் இரா. கோவிந்தராசு, வருவாய் கோட்டாட்சியா்கள், வட்டாட்சியா்கள், அரசியல் கட்சி பிரமுகா்கள் கலந்துகொண்டனா்.