திண்டுக்கல்

ஆத்தூரில் வணிகவளாக கடைகள் முறைகேடாக ஏலம்: ஆட்சியரிடம் புகாா்

26th Feb 2020 11:17 PM

ADVERTISEMENT

திண்டுக்கல் மாவட்டம், ஆத்தூா் ஊராட்சி ஒன்றிய வணிக வளாக கடைகளுக்கான ஏலம் முறைகேடாக நடத்தியுள்ளதாகக்கூறி, மாவட்ட கலெக்டரிடம் புகாா் செய்யப்பட்டுள்ளது.

ஆத்தூா் ஊராட்சி ஒன்றிய அலுவலகம் முன்பாக வணிகவளாக கட்டடத்தில் மொத்தம் 20 கடைகள் உள்ளன. இந்த கடைகள், 2016-இல், ஏலத்தின் மூலம் குத்தகைக்கு விடப்பட்டன. கடந்த வாரம் இந்த கடைகளுக்கான ஏலம் நடத்தப்பட்டது.

போதிய அறிவிப்பு இல்லாமல் நடந்ததாக, ஏற்கெனவே ஏலம் எடுத்த கடை உரிமையாளா்கள் புகாா் கூறினா்.

இந்நிலையில், கடை எண் 10-ல் ஏலம் எடுத்திருந்த புதுக்கோடாங்கிபட்டி பால்சாமி மனைவி ஜெயக்குமாரி சாா்பில், மனு நீதி நாளில், மாவட்ட ஆட்சியரிடம் புகாா் மனு அளிக்கப்பட்டது. அதில், 2016 மாா்ச் 1 முதல் அரிசி கடை, வாழை இலை வியாபாரம் செய்து வருகிறேன். இதற்காக ரூ. 4 லட்சம் வங்கிக்கடன் பெற்றுள்ளேன். எந்தவித முன் அறிவிப்பும் இன்றி, ஆத்தூா் வட்டார வளா்ச்சி அலுவலா் சீதாராமன், மேலாளா் மகுடபதி சோ்ந்து முறைகேடாக ஏலம் நடத்தியுள்ளனா். முறைகேட்டில் டுபட்டவா்கள் மீது துறை ரீதியான நடவடிக்கை எடுக்க வேண்டும் என மனுவில் தெரிவித்துள்ளாா்.

ADVERTISEMENT

 

ADVERTISEMENT
ADVERTISEMENT