திண்டுக்கல்

தொலைநோக்கு சிந்தனை உடையவா் பாரதி: அன்னை தெரசா மகளிா் பல்கலை. துணைவேந்தா் பேச்சு

6th Dec 2019 07:17 AM

ADVERTISEMENT

தொலைநோக்கு சிந்தனை உடையவா் பாரதியாா் என, கொடைக்கானல் அன்னை தெரசா மகளிா் பல்கலைக்கழக துணைவேந்தா் வைதேகி பேசினாா்.

கொடைக்கானல் அன்னை தெரசா மகளிா் பல்கலைக்கழகம் மற்றும் தேசிய சிந்தனைக் கழகம் இணைந்து, பாரதியாரின் பிறந்த நாள் விழா கருத்தரங்கை அட்டுவம்பட்டியிலுள்ள பல்கலைக்கழக அரங்கில் வியாழக்கிழமை நடத்தின. இக் கருத்தரங்குக்கு, பல்கலைக்கழகத் துணைவேந்தா் வைதேகி விஜயகுமாா் தலைமை வகித்து, குத்துவிளக்கேற்றி தொடக்கி வைத்து, பாரதியின் பாா்வையில் பெண்மை என்ற தலைப்பில் பேசியதாவது:

இயற்கையையும் பாரதியாா் நேசித்தாா் மற்ற மொழிகளையும் புகழ்ந்தாா். பாரதியாா் தொலைநோக்கு சிந்தனை உடையவா். ஆணும், பெண்ணும் சமம் என்று பாடியவா். இந்த கொள்கைதான் அன்னை தெரசா பல்கலைக்கழகத்தின் கொள்கையாகவும் உள்ளது என்றாா்.

மேலும், பாரதியாரின் பாடல்களைப் பாடி, மாணவிகளுக்கு அறிவுரைகளை வழங்கினாா் துணைவேந்தா்.

ADVERTISEMENT

கருத்தரங்குக்கு, பல்கலைக்கழகத் துணைவேந்தா் சுகந்தி முன்னிலை வகித்துப் பேசினாா்.

மதுரை காமராஜா் பல்கலைக்கழகத் துணைவேந்தா் கிருஷ்ணன் சிறப்பு விருந்தினராகக் கலந்துகொண்டு, பாரதி இன்று இருந்தால் என்ற தலைப்பில் பேசியதாவது:

உலகில் உயா்கல்வி எப்படி இருக்க வேண்டுமென்று வழிவகுத்தவா் பாரதியாா். நம் நாட்டில் 900 பல்கலைக்கழகங்கள், 45 ஆயிரம் கல்லூரிகள், 200 ஆராய்ச்சிக் கூடங்கள் இருந்தபோதும், உலக அரங்கில் இந்தியா ஒரு சிறந்த அந்தஸ்தை பெற முடியவில்லை. இதற்குக் காரணம், நமது உயா்கல்வி சமுதாய மக்களுக்கு ஏற்ாகவும் இல்லை, அவா்களைச் சென்றடையவும் இல்லை.

ஒரு கண்டுபிடிப்பானது மக்களுக்கு ஏற்றதாக இருக்க வேண்டும். மாணவிகளும் புதுப்புது கண்டுபிடிப்புகளில் ஈடுபட வேண்டும். இளைய சமுதாயத்தினா் பல கண்டுபிடிப்புகளை கொண்டு வரவேண்டும். பெண்கள் அறிவை வளா்த்தால், இந்த வையகத்தில் பேதமை இருக்காது என்றாா்.

பின்னா், தேசிய சிந்தனை கழக அமைப்புச் செயலா் ராஜேந்திரன், பாரதி கண்ட ஒப்பில்லாத சமுதாயம் என்ற தலைப்பில் முன்னாள் துணைவேந்தா் மணிமேகலை, பாரதியின் பாா்வையில் சுதந்திரம் என்ற தலைப்பில் உதவிப் பேராசிரியா் காந்திமதி, பாரதியின் பாா்வையில் கல்வி என்ற தலைப்பில் போதுமணி மற்றும் பாரதியின் மாந்தா் சக்தி, பாரதியின் மொழிகள், பாரதியின் இலக்கியம் என்ற தலைப்பில் மாணவிகள் பிரதீபா, கிருத்திகா, ஜெயஸ்ரீ உள்ளிட்ட பலா் பேசினா்.

இந்நிகழ்ச்சியில், பல்வேறு பல்கலைக்கழகங்களைச் சோ்ந்த பேராசிரியைகள், மாணவிகள் என 300-க்கும் மேற்பட்டோா் கலந்துகொண்டனா்.

முன்னதாக, பேராசிரியை ஜெயபிரியா வரவேற்றாா். பேராசிரியை சந்திரமணி நன்றி கூறினாா்.

 

 

ADVERTISEMENT
ADVERTISEMENT