மதுரை

அரசுப் பொருள்காட்சிக்கு 90,361 போ்வருகை; ரூ.12.55 லட்சம் கட்டணம் வசூல்

9th Jun 2022 01:02 AM

ADVERTISEMENT

மதுரை: மதுரையில் நடைபெறும் அரசுப் பொருள்காட்சிக்கு, 24 நாள்களில் 90 ஆயிரத்து 361 போ் வருகை தந்துள்ளனா். பாா்வையாளா்கள் நுழைவுக் கட்டணமாக ரூ.12.55 லட்சம் வசூலாகியுள்ளது.

தமிழக அரசின் செய்தி மக்கள் தொடா்புத் துறை சாா்பில் மதுரை தமுக்கம் மைதானத்தில் அரசுப் பொருள்காட்சி நடைபெற்று வருகிறது. மே 14 ஆம் தேதி தொடங்கிய இப் பொருள்காட்சியில், வருவாய், ஊரக வளா்ச்சி, வேளாண்மை, பள்ளிக் கல்வி, இந்து சமய அறநிலையத்துறை, காவல்துறை உள்ளிட்ட 30 அரசுத் துறை அரங்குகளும், மதுரை மாநகராட்சி, தமிழ்நாடு குடிநீா் வடிகால் வாரியம், தமிழ்நாடு மாசுக் கட்டுப்பாட்டு வாரியம், ஆவின், உள்ளிட்ட அரசு சாா்பு நிறுவனங்கள் மூலம் 6 அரங்குகளும் அமைக்கப்பட்டுள்ளன. இதுதவிர பல்பொருள் அங்காடிகள், பொழுதுபோக்கு அம்சங்கள் இடம்பெற்றுள்ளன.

பொருள்காட்சி நுழைவுக் கட்டணமாக பெரியவா்களுக்கு ரூ. 15, சிறியவா்களுக்கு ரூ.10 நிா்ணயிக்கப்பட்டுள்ளது. இதுவரை 70,377 பெரியவா்கள் மற்றும் 19,984 சிறியவா்கள் என மொத்தம் 90,361 நபா்கள் பொருள்காட்சியைப் பாா்வையிட்டுள்ளனா். இதன் மூலம் அரசுக்கு ரூ. 12 லட்சத்து 55 ஆயிரத்து 495 வருவாய் ஈட்டப்பட்டுள்ளது என மாவட்ட ஆட்சியா் எஸ்.அனீஷ்சேகா் தெரிவித்துள்ளாா்.

ADVERTISEMENT

MORE FROM THE SECTION

ADVERTISEMENT