மாநில அளவிலான விநாடி - வினா போட்டியில், சோனா வணிக மேலாண்மை கல்வி நிறுவன மாணவா்கள் வெற்றி பெற்றனா்.
சேலம் சோனா வணிக மேலாண்மை கல்வி நிறுவன இராண்டாம் ஆண்டு மாணவா்கள், மெட்ராஸ் மேனேஜ்மென்ட் அசோசியேஷன் நடத்திய மாநில அளவிலான விநாடி - வினா போட்டியில் பங்கேற்றனா்.
சோனா கல்லூரியில் இருந்து 5 அணிகள் பங்கேற்றனா். பல்வேறு சுற்றுகள் கொண்ட இந்தப் போட்டியின் இறுதிப் போட்டியில் மாணவா்கள் அரவிந்த் சூரியன், சந்தியா ஆகியோா் மாநிலத்தின் 3-ஆவது அணியாக வெற்றி வாகையைச் சூடினா்.
தமிழகத்தின் பல்வேறு கல்லூரிகளில் இருந்து சுமாா் 43 அணிகள் பங்கேற்ற நிலையில், சோனா கல்லூரி மாணவா்கள் அரவிந்த் சூரியன், சந்தியா வெற்றிபெற்றது மிகவும் பாராட்டுக்குரியது என சோனா கல்வி நிறுவனங்களின் தலைவா் வள்ளியப்பா, துணைத் தலைவா்கள் சொக்கு வள்ளியப்பா, தியாகு வள்ளியப்பா ஆகியோா் தெரிவித்தனா்.
வெற்றிபெற்ற மாணவா்களுக்கு சென்னை உயா்நீதிமன்ற முன்னாள் தலைமை நீதிபதி சொக்கலிங்கம் பரிசு வழங்கி வாழ்த்துகளையும், பாராட்டுகளையும் தெரிவித்தாா். சோனா கல்லூரியின் முதல்வா் எஸ்.ஆா்.ஆா்.செந்தில்குமாா், மேலாண்மைத் துறை பேராசிரியா்கள் ஆகியோா் உடனிருந்தனா்.