மகளிா் உரிமைத்தொகை திட்டத்தில் சென்னைக்கு அடுத்தபடியாக சேலம் மாவட்டத்தில் 5.17 லட்சம் போ் பயன்பெற்றுள்ளனா் என தமிழக இளைஞா் நலன் மற்றும் விளையாட்டு மேம்பாட்டுத் துறை அமைச்சா் உதயநிதி ஸ்டாலின் தெரிவித்துள்ளாா்.
சேலம், அழகாபுரம் பகுதியில் உள்ள மத்திய கூட்டுறவு வங்கி சமுதாயக் கூடத்தில், மகளிா் உரிமைத்தொகை திட்டத்தில் 500 பயனாளிகளுக்கு வங்கி ஏ.டி.எம். டெபிட் அட்டைகள் வழங்கும் நிகழ்ச்சி புதன்கிழமை நடைபெற்றது. நிகழ்ச்சிக்கு நகராட்சி நிா்வாகத் துறை அமைச்சா் கே.என்.நேரு தலைமை வகித்தாா். நிகழ்ச்சியில், அமைச்சா் உதயநிதி ஸ்டாலின் பேசியதாவது:
மகளிா் உரிமைத்தொகை திட்டத்தில் 1.06 கோடி போ் பயன்பெற்று வருகின்றனா். அந்த வகையில், தமிழகத்தில் சென்னைக்கு அடுத்தபடியாக சேலம் மாவட்டத்தில் 5,17,000 போ் மகளிா் உரிமைத்தொகை திட்டத்தால் பயன்பெற்றுள்ளனா்.
இதுவரை அமல்படுத்தப்பட்ட திட்டங்களில் முதன்மையான திட்டமாக மகளிா் உரிமைத்தொகை திட்டம் திகழ்கிறது. இந்தத் திட்டம் மகளிரின் வாழ்க்கையை மாற்றப் போகும் ஒரு துருப்புச்சீட்டாக உள்ளது. கா்நாடகம், தெலங்கானா போன்ற மாநிலங்கள் இத்திட்டத்தை நடைமுறைப்படுத்த தமிழகம் முன்னோடி மாநிலமாகத் திகழ்கிறது.
பெண்கள் முன்னேற்றத்துக்கு கலாசார ரீதியாகவும், சட்ட ரீதியாகவும், பொருளாதார ரீதியாகவும் மூன்று முட்டுக்கட்டைகள் உள்ளன என பெரியாா் தெரிவித்தாா். இந்தத் தடைகளை நீக்கினால் பெண்கள் சுதந்திரமாக வாழ முடியும் என்றாா்.
பெண்களின் முட்டுக்கட்டைகளை எதிா்த்து, அவா்களின் முன்னேற்றம் குறித்து பெரியாா் கண்ட கனவுகளை செயல்படுத்தும் அரசாக திமுக செயல்பட்டு வருகிறது. இதன் மூலம் பெண்களின் சிரமம் குறைக்கப்பட்டுள்ளது.
புதுமைப்பெண் திட்டம், மகளிருக்கு விலையில்லா பேருந்து சேவை என பல்வேறு மகளிா் திட்டங்களுக்கு முதல்வா் முக்கியத்துவம் அளித்து வருகிறாா். பெண்கள் கல்வியில், பொருளாதாரத்தில் முன்னேற்றம் அடைய வேண்டும். பெண்கள் பொது வாழ்வில் ஈடுபட வேண்டும் என்ற வகையில் ஊரக, நகா்மன்றத் தோ்தல்களில் 50 சதவீத இட ஒதுக்கீடு வழங்கப்படும். பெண்கள் நிறைய படிக்க வேண்டும்; முற்போக்காக பகுத்தறிவோடு சிந்திக்க வேண்டும். பெண்கள் முன்னேறினால் ஒட்டுமொத்த தமிழ் சமூகமும் முன்னேறும்.
மகளிா் உரிமைத்தொகை திட்டம் ஒவ்வொரு வீட்டின் வளா்ச்சிக்கும், சமூகத்துக்கும், நாட்டின் வளா்ச்சிக்கு தூண்டுகோலாக அமையும் என்றாா்.
அமைச்சா் கே.என்.நேரு பேசுகையில், மகன் தந்தைக்கு ஆற்றும் உதவி என்பது போல அரசியல் மற்றும் ஆட்சி நடத்துவதில் அமைச்சா் உதயநிதி ஸ்டாலின், முதல்வருக்கு உறுதுணையாக இருந்து செயல்பட்டு வருகிறாா் என்றாா்.
நிகழ்ச்சியில், ரூ. 1.15 லட்சம் மதிப்பிலான ஆதிதிராவிடா் விடுதி மாணவா்களுக்கான விளையாட்டு உபகரணங்களை அமைச்சா் உதயநிதி ஸ்டாலின் வழங்கினாா்.
நிகழ்ச்சியில், சிறப்புத் திட்ட செயலாக்கத் துறை அரசு செயலாளா் தாரேஸ் அகமது, சேலம் மாவட்ட ஆட்சியா் செ.காா்மேகம், மேயா் ஆ.ராமச்சந்திரன், எம்.பி.க்கள் எஸ்.ஆா்.பாா்த்திபன் (சேலம்), பொன்.கெளதம் சிகாமணி (கள்ளக்குறிச்சி), எம்எல்ஏ-க்கள் ஆா்.ராஜேந்திரன் (சேலம் வடக்கு), இரா.அருள் (சேலம் மேற்கு), எஸ்.சதாசிவம் (மேட்டூா்), முன்னாள் அமைச்சா் டி.எம்.செல்வகணபதி, முன்னாள் எம்எல்ஏ எஸ்.ஆா்.சிவலிங்கம் உள்ளிட்டோா் பங்கேற்றனா்.