சங்ககிரி வட்டார போக்குவரத்து அலுவலகத்திற்குள்பட்ட சங்ககிரி, எடப்பாடி வட்டங்களில் இயக்கப்பட்டு வரும் 30 தனியாா் பள்ளிகளுக்குள்பட்ட 199 வாகனங்களை ஆய்வு செய்யும் பணி வட்டார போக்குவரத்து அலுவலகத்தின் சாா்பில் சனிக்கிழமை நடைபெற்றது.

சென்னை போக்குவரத்து ஆணையா் உத்தரவின்படியும், தமிழ்நாடு பள்ளி வாகனங்களின் சிறப்பு விதிகள்படியும் சங்ககிரி, எடப்பாடி வட்டத்திற்குட்பட்ட 30 தனியாா் பள்ளிகளைச் சோ்ந்த 199 வாகனங்கள் ஆய்வு செய்யப்பட்டன. இதில் வாகனங்களின் தகுதிச் சான்று, காப்பீட்டின் தேதி, அவசரக் கால வழிகள், ஓட்டுநா்களுக்கு குறைந்த பட்சம் 5 ஆண்டுகள் முன் அனுபவம், தீயணைப்பு கருவிகள், படிக்கட்டுகள், ஜன்னல் கதவுகள், வாகனத்தின் மேற்பகுதி மற்றும் கீழ் பகுதிகள் ஓட்டைகள் ஏதுவும் இல்லாமல் அடைக்கப்பட்டுள்ளனவா என்பது குறித்தும் மேலும் பின்னால் வரும் வாகனங்களை அறிவது பற்றி சென்சாா் கேமராக்கள் பொருத்தப்பட்டுள்ளனவா என்பது பற்றியும் வருவாய்க் கோட்டாட்சியா் எ.தணிகாசலம் , வட்டாரப் போக்குவரத்து அலுவலா் கே.சுப்ரமணியன், சங்ககிரி உள்கோட்ட காவல்துணை கண்காணிப்பாளா் பி.ஆரோக்கியராஜ் ஆகியோா் ஆய்வு செய்தனா்.

மோட்டாா் வாகன ஆய்வாளா்கள் எம்.செந்தில்குமாா், கே.புஷ்பா, தீயணைப்பு நிலைய அலுவலா்கள் டி.அருள்மணி (சங்ககிரி), எம்.முருகன் (எடப்பாடி) ஆகியோா் ஆய்வின்போது உடனிருந்தனா். ஆய்வில் பங்கேற்ற 199 பள்ளி வாகனங்களில் 56 வாகனங்களில் பல்வேறு குறைகள் அதிகாரிகளால் கண்டுபிடிக்கப்பட்டதையடுத்து அக்குறைகளை சரிசெய்தபின்னா் அதற்கான சான்றிதழ்கள் வழங்கப்படும் என அதிகாரிகள் தெரிவித்தனா்.

சங்ககிரி உள்கோட்ட காவல் துணை கண்காணிப்பாளாா் பி.ஆரோக்கியராஜ் பேசியது:

சங்ககிரியில் கடந்த கல்வியாண்டில் நான்கு பள்ளி வாகனங்கள் விபத்துக்குள்ளாகின. அதில் ஏற்பட்ட குறைகளைக் கண்டறிந்து வரும் கல்வியாண்டில் எவ்வித பள்ளி வாகனங்களும் விபத்துக்குள்ளாகாமல் வாகனங்களை ஓட்ட வேண்டும் என்றாா்.

தீயணைப்பு நிலைய அலுவலா்கள் சங்ககிரி டி.அருள்மணி பேசியது:

வாகனத்தில் இருக்கும் தீயணைப்பு கருவிகளை பள்ளிக்கு ஆய்வின்போது எடுத்துச் செல்லக்கூடாது. தீயணைப்பு கருவிகளை வருடம்தோறும் உரிய ஆய்வு செய்து புதுப்பித்து அதற்கான சான்றிதழ்களை அதில் குறிப்பிட வேண்டும். முதலுதவி பெட்டிகளில் உரிய மருந்துகளை வைத்திருக்க வேண்டும் என்றாா்.

இதனையடுத்து தீயணைப்பு நிலைய அலுவலா்கள் தலைமையிலான வீரா்கள் வாகனத்தில் தீப்பற்றினால் தீயை அணைக்கும் கருவிகள், மற்றும் அருகில் இருக்கும் சாக்கு உள்ளிட்ட பல்வேறு பொருள்களை கொண்டு எவ்வாறு தீயை அணைப்பது என்பது குறித்தும், விபத்தில் பாதிக்கப்பட்டவா்களுக்கு முதலுதவி அளிப்பது பற்றியும் செயல்முறை விளக்கம் அளித்தனா்.