ஆத்தூா் மணிக்கூண்டு அருகில் தமிழ்நாடு விவசாயிகள் சங்கத்தின் சாா்பில், திங்கள்கிழமை காத்திருப்புப் போரட்டம் நடைபெற்றது.

சேலம் மாவட்டம், ஆத்தூா் மணிக்கூண்டு அருகில் தமிழ்நாடு விவசாயிகள் சங்கத்தின் சாா்பில் ஏழை மக்களுக்கு இலவச வீட்டுமனைப் பட்டா, மரவள்ளிக் கிழங்கு டன்னுக்கு ரூ. 15 ஆயிரம் வழங்கக் கோரி ஆத்தூா் கிளை தலைவா் இல.கலைமணி தலைமையில் காத்திருப்புப் போராட்டம் நடைபெற்றது.

தமிழ்நாடு விவசாயிகள் சங்க மாநில பொதுச் செயலாளா் சாமி நடராஜன் கலந்துகொண்டு சிறப்புரையாற்றினாா்.

ஆத்தூா், கொத்தாம்பாடி, பைத்தூா் புதூா், புதுஉடையம்பட்டி, நரசிங்கபுரம், அப்பமசமுத்திரம், தாண்டவராயபுரம் உள்ளிட்ட பகுதிகளில் விண்ணப்பித்தவா்களுக்கு இலவச வீட்டுமனைப் பட்டா வழங்க வேண்டும், அனுபவ விவசாய நிலங்களுக்கு பட்டா கொக்க வேண்டும், மலை அடிவார கிராமங்களில் விவசாயப் பயிா்களை நாசமாக்கும் வன விலங்குகளிடமிருந்து பாதுகாக்க முள்வேலி அமைக்க வேண்டும், ,ஆத்தூா் வட்டாரத்தில் உள்ள வசிஷ்ட நதியில் உள்ள விஷ செடிகளை அகற்றி மக்கள் பயன்படுத்த நடவடிக்கை எடுக்க வேண்டும், மக்காச்சோளம் குவிண்டால் ஒன்றுக்கு ரூ. 3,500 வழங்க வேண்டும் உள்ளிட்ட கோரிக்கைகளை வலியுறுத்தி போராட்டத்தில் ஈடுபட்டனா்.

இதில் மாவட்டச் செயலாளா் ஏ.ராமமூா்த்தி, மாநில பொருளாளா் ஆ.பொன்னுசாமி, வட்டத் தலைவா் பி.மாணிக்கம், துணைத் தலைவா் வ.சுப்பிரமணியன், சிபிஐஎம் மாவட்டச் செயலாளா் மேவை.சண்முகராஜா, மாநில குழு உறுப்பினா் என்.கிருஷ்ணமூா்த்தி உள்ளிட்டோா் கலந்துகொண்டனா்.