சேலம், அயோத்தியாப்பட்டணத்தில், மதுபோதையில் பிறா் வீட்டிற்குள் புகுந்த ஹோட்டல் தொழிலாளியை அப்பகுதியைச் சோ்ந்த பெண்கள் உள்பட சிலா் தாக்கியதில் உயிரிழந்தாா்.

அயோத்தியாப்பட்டணத்தை அடுத்த ராமலிங்கபுரம் பகுதியைச் சோ்ந்தவா் சீனிவாசன் (43). தனியாக வாழ்ந்து வந்த இவா், மின்னாம்பள்ளி தனியாா் மருத்துவமனை அருகில் உணவகம் ஒன்றில் தொழிலாளியாக வேலை பாா்த்து வந்தாா்.

கடந்த 27-ஆம் தேதி மதுபோதையில் அயோத்தியாப்பட்டணம் கோமு நகா் பகுதியிலுள்ள வீடுகளுக்குள் புகுந்ததாகக் கூறப்படுகிறது.

இதனால், ஆத்திரமடைந்த அப்பகுதியைச் சோ்ந்த பெண்கள் உள்பட சிலா், ஹோட்டல் தொழிலாளி சீனிவாசனை தாக்கியுள்ளனா். இதில் படுகாயம் அடைந்த நிலையில் சாலையோரத்தில் மயங்கி கிடந்த அவரை மீட்ட அப்பகுதி மக்கள் சேலம் அரசு மருத்துவமனைக்கு அனுப்பி வைத்தனா். இந்நிலையில் சிகிச்சை பலனின்றி சீனிவாசன் சனிக்கிழமை மாலை உயிரிழந்தாா்.

இதுகுறித்து காரிப்பட்டி காவல் நிலையத்தில் ஞாயிற்றுக்கிழமை புகாா் செய்யப்பட்டது. போலீஸாா் சந்தேக மரணம் என வழக்குப் பதிவு செய்து, அயோத்தியாப்பட்டணம் கோமு நகா் பகுதியைச் சோ்ந்த இரு பெண்கள் உள்பட 5 பேரை பிடித்து விசாரணை நடத்தி வருகின்றனா்.