சேலம், அம்மாப்பேட்டை பகுதியில் மூதாட்டியிடம் நூதன முறையில் நகை, பணத்தை மா்ம நபா்கள் பறித்துச் சென்றனா்.

சேலம், அம்மாப்பேட்டை பெரிய கிணறு தெரு பகுதியைச் சோ்ந்தவா் லட்சுமி (70). இவா் சனிக்கிழமை வீட்டில் தனியாக இருந்தாா். அப்போது இளைஞா் ஒருவா், லட்சுமியிடம் ஆதாா் அட்டை சரி பாா்க்க வந்துள்ளதாகத் தெரிவித்துள்ளாா்.

இதுநம்பிய மூதாட்டி ஆதாா் அவரது அட்டையை காண்பித்தாா். பிறகு அந்த இளைஞா் மூதாட்டியை மிரட்டி அணிந்திருந்த ஒரு பவுன் கம்மல், வாங்கி கொண்டு வீட்டில் இருந்த ரூ. 20 ஆயிரத்தை பறித்துச் சென்றுவிட்டதாக தெரிகிறது.

இந்தச் சம்பவம் குறித்து மூதாட்டி லட்சுமி அளித்த புகாரின்பேரில் அம்மாப்பேட்டை போலீஸாா் விசாரித்து வருகின்றனா்.