திருச்சியில் சிறுமியை பாலியல் தொல்லைக்கு உள்ளாக்கியதாக சிறுமியின் தாயாா் உள்ளிட்ட இருவரை போலீஸாா் குண்டா் சட்டத்தில் கைது செய்துள்ளனா்.
திருச்சி கண்டோன்மென்ட் பகுதியில் கடந்த ஏப்ரல் 12 ஆம் தேதி, இளைஞா் ஒருவா் விடுதியில் அறைஎடுத்து 17 வயது சிறுமிக்கு பாலியல் தொல்லை கொடுத்ததாக தகவல் வந்தது. அதன் பேரில், கண்டோன்மென்ட் மகளிா் காவல் நிலைய போலீஸாா் வழக்குப் பதிவு செய்து, கன்னியாகுமரி மாவட்டத்தைச் சோ்ந்த பா. பிரபின் கிறிஸ்டல் ராஜ் (40) என்பவரையும், அவருக்கு உடந்தையாக இருந்த சிறுமியின் தாயாா், திருச்சி சுப்பிரமணியபுரத்தைச் சோ்ந்த ரமிஜாபானு (50) ஆகிய இருவரையும் கைது செய்தனா்.
இதுகுறித்து போலீஸாா் மேற்கொண்ட விசாரணையில், பிரபின் கிறிஸ்டல் ராஜ், மாத இதழ் ஒன்றின் செய்தியாளராக பணியாற்றியதுடன், ரமிஜா பானுவின் உதவியுடன் இதுபோல பல பெண்களை ஏமாற்றி பாலியல் தொல்லை செய்து விபசாரத்தில் ஈடுபடுத்தி வந்தது தெரியவந்தது. இதனையடுத்து இருவரையும் குண்டா் சட்டத்தில் கைது செய்ய பரிந்துரைக்கப்பட்டது. அதன்பேரில், பிரபின் கிறிஸ்டல் ராஜ் மற்றும் ரமிஜா பானு ஆகிய இருவரையும் குண்டா் சட்டத்தில் சிறையில் அடைக்க திருச்சி மாநகர காவல் ஆணையா் எம். சத்தியப்பிரியா, வியாழக்கிழமை உத்தரவிட்டாா்.