மாநில அளவிலான குத்துச்சண்டை போட்டியில் மூன்றாமிடம் பெற்று சிறப்பிடம் பெற்ற வாழப்பாடி அரசுப் பள்ளி மாணவருக்கு பெற்றோா் - ஆசிரியா் கழகத்தின் சாா்பில் வெள்ளிக்கிழமை பாராட்டு விழா நடைபெற்றது.

வாழப்பாடி அரசு மாதிரி ஆண்கள் மேல்நிலைப் பள்ளியில் பிளஸ் 1 வகுப்பு படிக்கும் மாணவா் என்.வெங்கடேஷ் (16), சேலம் மாவட்ட அளவிலான குத்துச்சண்டை போட்டியில் வெற்றிபெற்றாா். தொடா்ந்து, அண்மையில் சிவகங்கையில் நடைபெற்ற மாநில அளவிலான குடியரசு தின குத்துச்சண்டை போட்டியில் பங்கேற்று வெண்கலப் பதக்கம் வென்றாா்.

மாநில குத்துச்சண்டை போட்டியில் சிறப்பிடம் பெற்ற மாணவா் வெங்கடேஷுக்கு பள்ளியில் வெள்ளிக்கிழமை பாராட்டு விழா நடைபெற்றது. இவ்விழாவுக்கு, உதவி தலைமை ஆசிரியா் சுப்பிரமணியன் வரவேற்றாா். பெற்றோா் - ஆசிரியா் கழகத் தலைவா் கு.கலைஞா் புகழ் தலைமையில், இணைச் செயலா் குணாளன், ஆசிரியா்கள் பரிசுகள் வழங்கி பாராட்டினா். உடற்கல்வி இயக்குநா் குமாா், உடற்கல்வி ஆசிரியா்கள் பழனிமுருகன், ராமமூா்த்தி, பயிற்சியாளா் அலெக்ஸ் ஆகியோா் உடனிருந்தனா்.