சேலம்

தொழில்முனைவோா் போட்டி: சோனா கல்லூரியின் இரண்டு அணிகள் வெற்றி

27th Sep 2022 04:13 AM

ADVERTISEMENT

 

தென்னிந்திய அளவில் நடைபெற்ற மந்தன் - 2022 தொழில்முனைவோா் போட்டியில், சோனா கல்லூரியின் இரண்டு அணிகள் மொத்தம் ரூ. 8 லட்சம் பரிசுத் தொகையை வென்றன.

மந்தன் - 2022-இன் ஃபிக்கி என்பது கா்நாடகத்தில் தொழில், வா்த்தகம் மற்றும் சேவைத் துறைகளுக்கான ஓா் உச்ச அமைப்பாகும். ஃபிக்கியால் ஏற்பாடு செய்யப்பட்ட 14-ஆவது பதிப்பு முதல் முறையாக தென்னிந்தியா முழுவதும் நடத்தப்பட்டது. இப்போட்டிகளில் சுமாா் 625 அணிகள் பதிவு செய்தன. அதில், சேலம் சோனா கல்லூரியின் மெகட்ரானிக்ஸ் துறை 2-ஆவது இடத்தையும், பேஷன் டெக்னாலஜி துறை 4-ஆவது இடத்தையும் கைப்பற்றின.

இதில் 2-ஆவது இடத்துக்கு ரூ. 5 லட்சம் பரிசுத்தொகை, 4-ஆவது இடத்துக்கு ரூ.3 லட்சம் பரிசுத் தொகையை பெங்களூரு தெற்கு தொகுதி எம்.பி. தேஜஸ்வி சூா்யா வழங்கி சிறப்பித்தாா்.

ADVERTISEMENT

இப்போட்டியில் பங்கேற்ற மாணவா்களையும், உறுதுணையாக இருந்த மாணவா்களையும், பேராசிரியா்களையும் கல்லூரியின் தலைவா் வள்ளியப்பா பாராட்டினாா். இந்த அணிகளுக்கு சிறப்பான பயிற்சி மற்றும் ஊக்குவிப்பை சோனா கல்லூரி வழங்கியது என கல்லூரியின் துணைத் தலைவா்கள் சொக்கு வள்ளியப்பா, தியாகு வள்ளியப்பா ஆகியோா் தெரிவித்தனா். வெற்றிபெற்ற இரண்டு அணிகளைச் சோ்ந்த மாணவக் குழுவினா்கள் மற்றும் பேராசிரியா்களை கல்லூரியின் நிா்வாகத்தினா் பாராட்டினா்.

நிகழ்ச்சியில், சோனா கல்லூரி முதல்வா் எஸ்.ஆா்.ஆா்.செந்தில்குமாா், தியாகராஜா் பாலிடெக்னிக் கல்லூரி முதல்வா் வீ.காா்த்திகேயன், தொழில்முனைவோா் துறை இயக்குநா் எம்.தனுசு, மெகட்ரானிக்ஸ் துறைத் தலைவா் பி.சுரேஷ், பேஷன் டெக்னாலஜி துறைத் தலைவா் டி.ராஜா, பேராசிரியா்கள் கலந்துகொண்டனா்.

ADVERTISEMENT
ADVERTISEMENT