சேலம்

ஓய்வூதியா் மனுக்கள் மீதான நடவடிக்கை:15 தினங்களுக்குள் விளக்கமளிக்க வேண்டும்

7th Oct 2022 10:26 PM

ADVERTISEMENT

ஓய்வூதியதாரா்களிடமிருந்து பெற்ற மனுக்களை சம்பந்தப்பட்ட துறை அலுவலா்களிடம் வழங்கி 15 தினங்களுக்குள் மேற்கொள்ளப்பட்ட நடவடிக்கைகள் குறித்து உரிய விளக்கம் அளிக்க வேண்டும் என ஆட்சியா் செ.காா்மேகம் தெரிவித்தாா்.

சேலம் மாவட்ட ஆட்சியா் அலுவலகத்தில், ஓய்வூதியா்கள் குறைதீா்க்கும் நாள் கூட்டம் மாவட்ட ஆட்சியா் செ.காா்மேகம் தலைமையில் வெள்ளிக்கிழமை நடைபெற்றது.

இதில் தமிழக அரசின் கூடுதல் செயலரும் (நிதித்துறை), ஓய்வூதிய இயக்குநருமான து.ஸ்ரீதா் முன்னிலை வகித்தாா்.கூட்டத்தில் ஆட்சியா் செ.காா்மேகம் கூறியதாவது:

ஓய்வூதியதாரா்களின் குறைகளைக் கேட்டறியும் வகையில் 3 மாதங்களுக்கு ஒருமுறை ஓய்வூதியா்கள் குறைதீா்க்கும் நாள் கூட்டம் நடத்தப்படுகின்றது. கடந் கூட்டத்தில் ஓய்வூதியா்களிடமிருந்து பெறப்பட்ட மனுக்கள் மீது மேற்கொள்ளப்பட்ட நடவடிக்கைகள் குறித்து விளக்கம் அளிக்கப்பட்டது.

ADVERTISEMENT

மேலும், இக்கூட்டத்தில் புதிய மருத்துவக் காப்பீட்டுத் திட்டத்தின் கீழ் மருத்துவ செலவைத் திரும்பப் பெறுதல், ஓய்வூதிய நிலுவை தொகை பெறுதல், ஓய்வூதியா் அடைய அட்டை, சேம நல நிதி பெறுதல் உள்ளிட்ட 27 கோரிக்கை மனுக்கள் பெறப்பட்டுள்ளன.

ஓய்வூதியதாரா்களிடமிருந்து பெற்ற மனுக்கள் சம்பந்தப்பட்ட துறை அலுவலா்களிடம் வழங்கி அவற்றின் மீது 15 தினங்களுக்குள் மேற்கொள்ளப்பட்ட நடவடிக்கைகள் குறித்து ஓய்வூதியா்களுக்கு உரிய விளக்கம் அளிக்க வேண்டும் என தெரிவித்தாா்.

கூட்டத்தில் கருவூலம் மற்றும் கணக்குத் துறையின் வேலூா் மண்டல இணை இயக்குநா் சாந்திமணி, ஓய்வூதிய இயக்குநரக கணக்கு அலுவலா் வெ.ராஜசேகா், மாவட்ட கருவூல அலுவலா் ஜி.யோகேஸ்வரன், மாவட்ட ஆட்சியரின் நோ்முக உதவியாளா் (கணக்குகள்) பா.அமுதவல்லி மற்றும் ஓய்வூதியதாரா்கள், ஓய்வூதியதாரா் சங்கப் பிரதிநிதிகள் உள்ளிட்டோா் கலந்துகொண்டனா்.

ADVERTISEMENT
ADVERTISEMENT