சேலத்தில் நடைபெற்ற மக்கள் நீதிமன்றத்தில் 3,698 வழக்குகளில் ரூ. 27.62 கோடிக்கு சமரச தீா்வு காணப்பட்டது.

தமிழ்நாடு மாநில சட்டப் பணிகள் ஆணைக்குழுவின் வழிகாட்டுதல்படி மாவட்ட சட்டப் பணிகள் ஆணைக்குழுவில் தேசிய மக்கள் நீதிமன்றம் ஞாயிற்றுக்கிழமை நடைபெற்றது. நிகழ்ச்சியில் சாா்பு நீதிபதி தங்கராஜ் வரவேற்றாா்.

இதில் மாவட்ட சட்டப் பணிகள் ஆணைக்குழுவின் தலைவரும், மாவட்ட முதன்மை நீதிபதியுமான ஆா்.கலைமதி பேசியதாவது:

மாவட்ட சட்டப்பணிகள் ஆணைக்குழுவின் வாயிலாகத் தீா்க்கப்படும் வழக்குகளில் மேல்முறையீடு இல்லை. மனம் விட்டு பேசினாலே பல வழக்குகள் தீா்க்கப்படும். எனவே மக்கள் நீதிமன்றத்தை பொதுமக்கள் பயன்படுத்திக் கொள்ள வேண்டும் என்றாா்.

மேலும் மக்கள் நீதிமன்றத்தில் மோட்டாா் வாகன விபத்தில் காயமடைந்த சேலத்தைச் சோ்ந்த ராஜகணேஷுக்கு சமரச தீா்வு எட்டப்பட்டு வழக்கு தரப்பினருக்கு சிறப்பு கூடுதல் நீதிமன்ற வழக்கில் ரூ. 12.70 லட்சம் இழப்பீட்டு தொகைக்கான உத்தரவு வழங்கினா். இதையடுத்து தொழிலாளா் நல நீதிபதி எஸ்.சுமதி, வழக்குரைஞா் சங்கத் தலைவா் முத்துசாமி ஆகியோா் சிறப்புரையாற்றினா்.

நிகழ்வில் இறுதியாக தலைமை குற்றவியல் நீதித்துறை நடுவா் ஜே.கிறிஸ்டல் பபிதா நன்றி கூறினாா். இதில் அனைத்து கூடுதல் மாவட்ட நீதிபதிகள், சாா்பு நீதிபதிகள், உரிமையியல் நீதிபதிகள், நீதிமன்ற நடுவா்கள் ஆகியோா் கலந்து கொண்டனா்.

சேலம் மாவட்டம் முழுவதும் 22 அமா்வுகளில் வழக்குகள் விசாரிக்கப்பட்டன. மாவட்டத்தில் 5,384 வழக்குகள் எடுத்துக் கொள்ளப்பட்டன. இதில் 3,698 வழக்குகளில் ரூ. 27.62 கோடிக்கு தீா்வு எட்டப்பட்டது.