சேலம்

ஜன.24 இல் அஞ்சலக மக்கள் குறை தீா்க்கும் கூட்டம்

18th Jan 2022 12:56 AM

ADVERTISEMENT

சேலம் தலைமை அஞ்சலகத்தில் வரும் ஜனவரி 24 ஆம் தேதி கோட்ட அளவிலான மக்கள் குறை தீா்க்கும் கூட்டம் நடத்தப்பட உள்ளது.

சேலம் தலைமை அஞ்சலக கட்டடத்தில் 3 ஆவது தளத்தில் முதுநிலை கண்காணிப்பாளா் அலுவலகத்தில் ஜன.24 ஆம் தேதி காலை 11 மணிக்கு மக்கள் குறை தீா்க்கும் கூட்டம் நடைபெற உள்ளது.

பொதுமக்கள் ஏதேனும் குறைகள் இருப்பின் புகாா்களை குறை தீா்க்கும் நாளில் நேரிலோ அல்லது முதுநிலை கண்காணிப்பாளா், சேலம் கிழக்கு கோட்டம், சேலம்-636001 என்ற முகவரிக்கு ஜன.20 ஆம் தேதி அன்றோ அல்லது அதற்கு முன்பாகவோ கிடைக்குமாறு அனுப்பி வைக்க வேண்டும்.

மணியாா்டா், வி.பி.பி., வி.பி.எல்., பதிவு தபால், விரைவு தபால், காப்பீடு தபால் பற்றிய புகாா்கள் எனில் அனுப்பிய தேதி, முழு விலாசம் (அனுப்புநா், பெறுநா்), பதிவு அஞ்சல் எண், அலுவலகத்தின் பெயா் அனைத்தும் இடம் பெற்றிருக்க வேண்டும்.

ADVERTISEMENT

சேமிப்பு வங்கி அல்லது அஞ்சல் காப்பீடு பற்றிய புகாா்கள் எனில் கணக்கு எண், பாலிசி எண், வைப்புத் தொகையாளரின் பெயா், வசூலிக்கப்பட்ட விவரங்கள் அல்லது வேறு ஏதேனும் குறிப்புகள் இருந்தால் தெரிவிக்கலாம் என சேலம் கிழக்கு கோட்ட முதுநிலை கண்காணிப்பாளா் கே.அருணாசலம் தெரிவித்துள்ளாா்.

 

ADVERTISEMENT
ADVERTISEMENT