சேலம்

சேலத்தில் குண்டு மல்லிகை கிலோ ரூ. 4 ஆயிரத்துக்கு விற்பனை

4th Dec 2022 01:00 AM

ADVERTISEMENT

சேலத்தில் குண்டு மல்லிகை கிலோ ரூ. 3 ஆயிரம் முதல் ரூ. 4 ஆயிரம் வரை விற்பனையானதாக பூ வியாபாரிகள் தெரிவித்தனா்.

சேலம், வ.உ.சி. மாா்க்கெட்டிற்கு மல்லிகைப் பூக்கள் வரத்து மிகவும் குறைவாக உள்ளது. இதனால் அதன் விலை அதிகமாகவே இருந்து வருகிறது. காா்த்திகை தீபம், முகூா்த்த நாளை முன்னிட்டு குண்டு மல்லிகை கிலோ ரூ. 3 ஆயிரம் முதல் ரூ. 4 ஆயிரம் வரை விற்பனையானது. இதுகுறித்து பூ விற்பனையாளா்கள் கூறியதாவது:

பனிப்பொழிவு அதிகமாக இருக்கும் காலங்களில் மல்லிகைப் பூக்களின் மொட்டுகள் செடியிலேயே உதிா்ந்துவிடும். இதனால் பூக்களின் வரத்து குறைந்துள்ளது. முகூா்த்த நாள்கள், சபரி மலை யாத்திரை ஆகியவையால் பூக்களின் தேவை அதிகரிப்பால் பூக்களின் விலை உயா்ந்துள்ளது. இதன் காரணமாக சேலம் மாா்க்கெட்டில் குண்டு மல்லிகை 300 கிலோவும், சன்ன மல்லி 200 கிலோ மட்டுமே விற்பனைக்கு வந்தன.

முகூா்த்த நாள் என்பதால் மல்லிகைப் பூக்கள் உள்ளிட்ட வாசனை பூக்களின் தேவை அதிகரித்துள்ளது. இதனால் குண்டு மல்லிகை கிலோ ரூ. 3 ஆயிரம் முதல் ரூ. 4 ஆயிரம், சன்னமல்லி கிலோ ரூ. 2 ஆயிரம் என விற்பனையாகிறது. மேலும் ஜாதி மல்லி ரூ.1,200, கனகாம்பரம் ரூ.1,000, காக்கட்டான் ரூ.1,200 என பிற பூக்களின் விலையும் அதிகமாகவே இருக்கிறது. சாமந்தி கிலோ ரூ. 120-க்கு விற்பனை செய்யப்படுகிறது என்றனா்.

ADVERTISEMENT

ADVERTISEMENT
ADVERTISEMENT