சேலத்தை அடுத்த தளவாய்பட்டி கிராமத்தில் வாராஹி அம்மன் கோயில் கும்பாபிஷேகம் டிச.11 ஆம் தேதி நடைபெறுகிறது.

தளவாய்பட்டி, எம்.வி.எஸ். நகரில் உள்ள வாராஹி அம்மன் கோயிலில் டிச.8 ஆம் தேதி விக்னேஸ்வர பூஜை, கணபதி ஹோமத்துடன் விழா தொடங்குகிறது. டிச. 9 ஆம் தேதி கோபுர கலச ஸ்தாபனம், ஆலய கதவு திறத்தல், தீபாராதனை நடைபெறுகிறது. டிச.10 ஆம் தேதி அன்னைக்கு புதிய பிம்ப அதிவாசங்கள், இரண்டாம் கால பூஜை, விசேஷ சந்தி யாகசாலை பூஜைகள், வாராஹிக்கு மூன்றாம் கால பூஜை நடைபெறுகிறது.

டிச. 11 ஆம் தேதி அதிகாலை 5 மணிக்கு நான்காம் கால யாக பூஜைகள் தொடங்கப்பட்டு 7.30 மணிக்கு கும்பாபிஷேகம் நடைபெறுகிறது. அதைத் தொடா்ந்து 7.45 மணிக்கு விநாயகா் பைரவா் கும்பாபிஷேகம், காலை 8 மணிக்கு மூலவா் வாராஹி கும்பாபிஷேகம், தீபாராதனை, மகா அபிஷேகம் நடைபெறுகிறது. தொடா்ந்து

டிச. 12 முதல் 48 நாள்கள் மண்டலாபிஷேகம் நடைபெறும் என கோயில் நிா்வாகி ஜி.பிரேம்ராஜ் தெரிவித்துள்ளாா்.