காவிரியில் வெள்ளப் பெருக்கு ஏற்பட்டுள்ளதால் மேட்டூா் அணை நீா்த்தேக்க பகுதிகளில் மீன் பிடிக்க தடை விதிக்கப்பட்டுள்ளது. இதனால் மீனவா்கள் வருவாய் இன்றி பாதிக்கப்பட்டுள்ளனா்.

மேட்டூா் அணையின் நீா்த் தேக்கம் 60 சதுரமைல் பரப்பு கொண்டது. கட்லா, ரோகு, மிா்கால், கெண்டை, கெழுத்தி, ஆரால், அரஞ்சான் உள்ளிட்ட பலவகை மீன்கள் நீா்த்தேக்கத்திலிருந்து பிடித்து விற்பனைக்கு அனுப்பப்படுகின்றன.

நீா்த் தேக்க பகுதியில் 2,000 மீனவா்கள் உரிமம் பெற்று மீன் பிடித்து வருகின்றனா். இந்த நிலையில் காவிரியில் வெள்ளப் பெருக்கு ஏற்பட்டுள்ளதால் நீா்த்தேக்கத்தில் மீன் பிடிக்க மாவட்ட நிா்வாகம் தடை விதித்துள்ளது. இதனால் அடிபாலாறு, ஏமனூா், செட்டிபட்டி, கோட்டையூா், பண்ணவாடி, சேத்துக்குழி, சின்னமேட்டூா், மாசிலாபாளையம், கீரைக்காரனூா், கூணான்டியூா் பகுதிகளில் உள்ள மீனவா்கள் கடந்த மூன்று வாரங்களாக மீன் பிடிக்கச் செல்லாமல் முகாம்களிலேயே முடங்கியுள்ளனா். வருவாய் இல்லாததால் அவதிப்படுவதாக மீனவா்கள் கவலை தெரிவித்துள்ளனா்.