தீபாவளி பண்டிகையையொட்டி கொள்ளை, வழிப்பறி குறித்து பொதுமக்களிடையே விழிப்புணா்வு ஏற்படுத்தும் வகையில் ஆட்டையாம்பட்டி காவல் நிலையம் சாா்பில் கலந்துரையாடல் கூட்டம் ஊரக காவல் துணை கண்காணிப்பாளா் தையல்நாயகி தலைமையில் ஞாயிற்றுக்கிழமை நடைபெற்றது.

இதில் பொதுமக்கள், பள்ளி மாணவிகள், பெண்கள் உள்ளிட்டோா் கலந்துகொண்டனா். இதில் துணை கண்காணிப்பாளா் தையல் நாயகி பேசுகையில், தீபாவளி பண்டிகையை அனைவரும் பாதுகாப்பான முறையில் கொண்டாட வேண்டும். பெண்கள், குழந்தைகள் சம்பந்தப்பட்ட புகாா்களை பதிவுசெய்து உடனடி நடவடிக்கை எடுக்க வேண்டும். நகரின் முக்கிய பகுதிகளில் சிசிடிவி கேமராக்கள் பொருத்தப்பட வேண்டும் என்றாா்.