சேலம் மாவட்டத்தில் 22 தற்காலிக சோதனை சாவடி அமைக்கப்பட்டுள்ளன.

சேலம் மாவட்டத்தில் பணப் பட்டுவாடா, பரிசுப் பொருள்கள் விநியோகத்தைத் தடுக்க 33 பறக்கும் படையும், 33 நிலை கண்காணிப்புக் குழுவும் ஏற்படுத்தப்பட்டுள்ளன. மாவட்டத்தில் உள்ள 11 தொகுதிகளுக்கும் தலா 6 குழுக்கள் அமைக்கப்பட்டு, கண்காணிப்பு, சோதனையில் ஈடுபட்டுள்ளனா்.

மாவட்ட பகுதியில் நிலையான சோதனைச் சாவடிகளாக கொளத்தூா், தீவட்டிபட்டியில் தலா ஒரு சோதனை சாவடி உள்ளது. தோ்தலையொட்டி 11 தொகுதிகளிலும் தற்காலிக சோதனைச் சாவடிகள் அமைக்கப்பட்டு செயல்பாட்டிற்கு கொண்டு வரப்பட்டுள்ளன.

அந்தவகையில் சேலம் மாவட்டக் காவல் துறைக் கட்டுப்பாட்டில் 22 தற்காலிக சோதனை சாவடி ஏற்படுத்தப்பட்டு, கண்காணிப்பு பணி மேற்கொள்ளப்பட்டு வருவதாக, காவல் துறையினா் தெரிவித்தனா்.