திமுக கூட்டணி எப்போது வேண்டுமானாலும் உடையலாம் என பாஜக மாநிலத் தலைவா் எல்.முருகன் தெரிவித்தாா்.

சேலம், கெஜல்நாயக்கன்பட்டியில் பிப்ரவரி 6-ஆம் தேதி நடைபெறும் பாஜக இளைஞரணி மாநில மாநாட்டுக்கான கால்கோள் அமைக்கும் பணியை ஞாயிற்றுக்கிழமை தொடக்கிவைத்து செய்தியாளா்களிடம் எல்.முருகன் பேசியதாவது:

பிப்ரவரி மாதம் முழுவதும் மாநிலத்தின் பல்வேறு பகுதிகளில் மாநாடுகள் நடத்தத் திட்டமிடப்பட்டுள்ளது. பாஜகவின் இளைஞரணி, மகளிா் அணி, ஓ.பி.சி. அணிகள் சாா்பில் மாநாடுகள் நடத்தப்படும்.

அதைத் தொடா்ந்து கட்சியின் மாநில மாநாடு மாா்ச் மாதம் நடத்தப்படுகிறது. மாநாடுகளில் பாஜக தேசியத் தலைவா்கள் பங்கேற்கின்றனா்.

சேலத்தில் நடைபெறும் இளைஞரணி மாநில மாநாடு தமிழக அரசியலில் தாக்கத்தை உருவாக்கும். தமிழகம் முழுவதும் இளைஞா்கள், மாணவா்கள் மட்டுமின்றி புதிய வாக்காளா்களும் அதிக எண்ணிக்கையில் பாஜகவில் சோ்ந்து வருகின்றனா்.

பிரதமா் மோடியின் நல்லாட்சி தமிழகத்திலும் மலர வேண்டும் என்ற விருப்பம் இளைஞா்கள் மத்தியில் அதிகரித்துள்ளது. இதனால்தான் இளைஞா்கள் அதிக எண்ணிக்கையில் பாஜகவில் சோ்ந்து வருகின்றனா். பாஜகவின் வேல் யாத்திரை வெற்றியடைந்துள்ளது.

இந்து மத நம்பிக்கையைத் தொடா்ந்து அவமதித்துவிட்டு திமுக தற்போது என்ன வேடம் போட்டாலும் மக்கள் அதை நம்பத் தயாராக இல்லை. தைப் பூசத்துக்கு அரசு விடுமுறை அளிக்க வேண்டும் என்பது வேல் யாத்திரையின் முக்கிய கோரிக்கையாக இருந்தது.

அக்கோரிக்கையை நிறைவேற்றி அரசு விடுமுறை அறிவித்ததுடன் பொதுவிடுமுறைப் பட்டியலிலும் இணைத்துள்ளது. இதற்காக முதல்வருக்கு நன்றியைத் தெரிவித்துக் கொள்கிறோம்.

வரும் 27ஆம் தேதி தைப்பூசத் தினத்தன்று நானும் (எல்.முருகன்), தமிழக பாஜக மேலிடப் பாா்வையாளா் சி.டி.ரவியும் விரதமிருந்து காவடி எடுக்க இருக்கிறோம். தமிழ் கடவுளை யாா் இழிவுப்படுத்தினாலும் பாஜக மட்டுமே தட்டிக் கேட்டு வருகிறது. கந்தசஷ்டி கவசம் இழிவுப்படுத்தப்பட்ட போதும் பாஜக மட்டுமே கண்டனம் தெரிவித்தது.

ராகுல் காந்தியின் தமிழக வருகை அரசியலில் எவ்விதத் தாக்கத்தையும் ஏற்படுத்தாது. திமுக கூட்டணி எப்போது வேண்டுமானாலும் உடையலாம். தோ்தலுக்கு முன்பே திமுக கூட்டணி உடைய வாய்ப்பு உள்ளது. தமிழகத்தில் தேசிய ஜனநாயகக் கூட்டணி பலம் மிகுந்த வலிமையான கூட்டணியாக உள்ளது. கூடுதலாக சில கட்சிகள் எங்கள் கூட்டணியில் இணைய வாய்ப்புள்ளது என்றாா்.

பேட்டியின் போது, பாஜக மாநில இளைஞரணி தலைவா் வினோஜ் செல்வம், சேலம் மாநகர மாவட்டத் தலைவா் சுரேஷ்பாபு, இளைஞரணி மாநகர மாவட்டத் தலைவா் சிவகுமாா், கிழக்கு மாவட்டத் தலைவா் மணிகண்டன், கிழக்கு மாவட்ட இளைஞரணி தலைவா் முரளி, நிா்வாகிகள் ஆா்.பி.கோபிநாத், முருகேசன், அண்ணாதுரை உள்ளிட்டோா் உடனிருந்தனா்.