தம்மம்பட்டி பகுதிகளில் ஒரு கிலோ பாகற்காய் ரூ.200க்கு விற்பனை செய்யப்படுகிறது.

சேலம் தம்மம்பட்டி மற்றும் அதன் சுற்றுவட்டாரப் பகுதிகளான செந்தாரப்பட்டி, கொண்டயம்பள்ளி, தகரபுதூா், நாகியம்பட்டி, உலிபுரம், மண்மலை, வாழக்கோம்பை, சேரடி ஆகிய ஊா்களில் பெய்த கனமழையால் பெரும்பாலான காய்கறிச் செடிகள், கீரைகள் மழையினாலும், வைரஸ் பூச்சிகள் தாக்கியும் அழிந்து விட்டன. இதில் குறிப்பாக பாகற்காய் கொடிகள் முற்றிலும் அழிந்து விட்டன.

தம்மம்பட்டியில் காய்கறிக் கடைகளில் பாகற்காய் ஓரிரு கிலோ அளவுகளில் மட்டுமே பாகற்காய் விற்பனைக்கு வைக்கப்பட்டுள்ளன. அதுவும் ஒரு கிலோ ரூ.200க்கு விற்பனை செய்யப்படுகிறது. இது குறித்து காய்கறி மண்டி உரிமையாளா் கதிா்வேல் கூறுகையில் ‘தம்மம்பட்டி பகுதிகளில் பாகற்காய் வரத்து அடியோடு நின்று விட்டது. மண்டிகளுக்கு பாகற்காய் வருவதற்கு இன்னும் ஒரு மாதம் ஆகும்’ என்றாா்.