சேலம் மாவட்டம், தம்மம்பட்டி பகுதியில் காய்கறிகளின் விலை உயா்வு நீடித்து வருகிறது.

தம்மம்பட்டி சுற்றுவட்டார பகுதிகளில் தக்காளி, வெண்டைக்காய், பீா்க்கை, அவரை, பீட்ருட், கேரட், கொத்தவரை, புடலங்காய், தக்காளி உள்ளிட்ட காய்கறிகள் ஒரு கிலோ ரூ. 50 முதல் ரூ. 90 வரை தற்போது விற்பனையாகிறது.இதனால் மக்கள் காய்கறிகளை, குறைந்த அளவில் வாங்கிச்செல்வதுடன், விலையேறாத காய்கறிகளான பூசணிக்காய், வெண்பூசணிக்காய், சுண்டைக்காய்களை அதிகம் வாங்கிச் செல்கின்றனா்.