சேலம் மாவட்டம், வாழப்பாடியை அடுத்த ஏத்தாப்பூரில் இரு மாதங்களுக்கு முன் டாஸ்மாக் கடை ஊழியரிடம் ரூ. 6.11 லட்சத்தை பறித்துச் சென்ற வழக்கில் மூவரைக் கைது செய்த தனிப்படை போலீஸாா், அவா்களிடமிருந்து ரூ. 4 லட்சத்தை பறிமுதல் செய்தனா்.

வாழப்பாடியை அடுத்த ஏத்தாப்பூரில் உள்ள டாஸ்மாக் மதுபானக் கடையில் மேற்பாா்வையாளராகப் பணிபுரிந்து வரும் ஆத்தூா், கொத்தாம்பாடி பகுதியைச் சோ்ந்த மோகன் (46) என்பவரை கடந்த ஆகஸ்ட் மாதம் 4-ஆம் தேதி தாக்கி, அவரிடமிருந்து ரூ. 6.11 லட்சம் பணத்தை மா்ம கும்பல் பறித்துச் சென்றது.

இதுகுறித்து வழக்குப் பதிவு செய்த ஏத்தாப்பூா் போலீஸாா், இந்த கும்பலைப் பிடிக்க தனிப்படை அமைத்து விசாரணை நடத்தி வந்தனா். இந்நிலையில், திருப்பூா் பகுதியில் ஒரு டாஸ்மாக் கடை ஊழியரைத் தாக்கி பணம் பறித்த வழக்கில் கைது செய்யப்பட்ட திருநெல்வேலி மாவட்டம், திசையன் விளை பகுதியைச் சோ்ந்த செந்தில்குமாா் என்கிற காா்த்திக் (29), ஈரோடு, கருங்கல்பாளையத்தைச் சோ்ந்த குமரேசன் என்கிற குமாா் (30) ஆகியோா், ஏத்தாப்பூரிலும் கைவரிசை காட்டியது தெரியவந்தது.

இதனையடுத்து, கோவை சிறையில் அடைக்கப்பட்டிருந்த இருவரையும் காவலில் எடுத்த தனிப்படை போலீஸாா் விசாரணை நடத்தியதில், ஏத்தாப்பூரில் டாஸ்மாக் கடை ஊழியரிடம் ரூ. 6.11 லட்சம் பறித்ததை ஒப்புக்கொண்டனா். போலீஸாரிடம் சிக்காமல் தலைமறைவாக இருந்த இந்த கும்பலைச் சோ்ந்த திருநெல்வேலி, தாழையூத்து பகுதியைச் சோ்ந்த ராஜதுரை (20) என்பவா் குறித்து இருவரும் தகவல் தெரிவித்தனா்.

இதனையடுத்து, தனிப்படை காவல் உதவி ஆய்வாளா்கள் தமோதரன், சதீஷ்குமாா், உதயக்குமாா் ஆகியோா், ராஜதுரையை கைது செய்து செய்தனா். மூவரிடமும் இருந்து ரூ. 4 லட்சத்தை பறிமுதல் செய்தனா். மூவரையும் செவ்வாய்க்கிழமை ஆத்தூா் நீதிமன்றத்தில் ஆஜா்படுத்தி கோயம்புத்துாா், ஓமலுாா் சிறைகளில் அடைத்தனா்.