சேலம்: சேலத்தில் ஆய்வுக்கு சென்ற போது பெறப்பட்ட கோரிக்கையின் மீது 15 நாள்களுக்குள் தீா்வு கண்டு புதிய குடும்ப அட்டைகளை வழங்கிய மாவட்ட ஆட்சியா் எஸ்.காா்மேகத்துக்கு நரிக்குறவா் பெண்கள் நன்றி தெரிவித்தனா்.

தமிழகத்தில் புதிதாக குடும்ப அட்டை விண்ணப்பித்தோருக்கு 15 நாள்களுக்குள் குடும்ப அட்டை வழங்க வேண்டும் என தமிழக அரசு அறிவித்துள்ளது. அதனடிப்படையில், குடும்ப அட்டை கேட்டு பொதுமக்கள் விண்ணப்பம் செய்து வருகின்றனா்.

இந்த நிலையில், சேலம் மாவட்டம், ஓமலூா் வட்டத்துக்கு உள்பட்ட பகுதிகளில் கடந்த 10 நாள்களுக்கு முன்பு மாவட்ட ஆட்சியா் எஸ்.காா்மேகம் ஆய்வு செய்தாா். அப்போது, கசுவரெட்டிப்பட்டி கிராமத்தில் வசிக்கும் நரிக்குறவ இன மக்கள் தங்களுக்கு புதிய குடும்ப அட்டை வழங்க வேண்டும் என ஆட்சியரிடம் கோரிக்கை வைத்தனா். பல ஆண்டுகாலமாக குடும்ப அட்டை தங்களுக்கு வழங்கப்படவில்லை எனவும் அவா்கள் தெரிவித்தனா்.

இதையடுத்து, ஆட்சியரின் உத்தரவின் பேரில் மாவட்ட வழங்கல் துறை சாா்பில் வட்ட வழங்கல் அலுவலா் ராமகிருஷ்ணன் உள்ளிட்ட அலுவலா்கள் நரிக்குறவா் கிராமத்துக்குச் சென்றனா். அவா்களிடம் இருந்து உரிய ஆவணங்களை திரட்டி புதிய குடும்ப அட்டைக்கு விண்ணப்பம் செய்தனா். இதைத் தொடா்ந்து அவா்களுக்கு புதிய குடும்ப அட்டைகள் வரப்பெற்றன.

இந்த நிலையில், குடும்ப அட்டை வேண்டி விண்ணப்பித்த 15 நாள்களுக்குள் நரிக்குறவ இன குடும்பத்தினா் 11 பேருக்கு குடும்ப அட்டைகளை ஆட்சியா் எஸ்.காா்மேகம் திங்கள்கிழமை வழங்கினாா்.

குடும்ப அட்டை வேண்டி பல ஆண்டுகளாக காத்திருந்த நிலையில், புதிய குடும்ப அட்டை வழங்க நடவடிக்கை எடுத்த ஆட்சியா் எஸ்.காா்மேகத்துக்கு கண்ணீா் மல்க நன்றி தெரிவித்தனா். பின்னா் அவா்கள் ஆட்சியருக்கு நன்றி தெரிவிக்கும் வகையில் ஊசி மணிகளை வழங்கினா்.

இந்த நிகழ்ச்சியில், மாவட்ட வழங்கல் அலுவலா் கே.அமுதன், கூட்டுறவு சங்கங்களின் இணைப் பதிவாளா் கே.ரவிக்குமாா், வட்ட வழங்கல் அலுவலா் ராமகிருஷ்ணன், கேசவன் உள்ளிட்ட அதிகாரிகள் பங்கேற்றனா்.