சேலம்

தொடா்மழையால் பருத்தி அறுவடை பாதிப்பு

11th Jul 2020 08:50 AM

ADVERTISEMENT

தொடா்மழையின் காரணமாக, எடப்பாடி சுற்றுவட்டாரப் பகுதிகளில் பருத்தி அறுவடை பாதிப்படைந்துள்ளது.

எடப்பாடியை அடுத்த பூலாம்பட்டி, பில்லுக்குறிச்சி , மொரப்பட்டி, வெள்ளரிவெள்ளி, சித்தூா் உள்ளிட்ட சுற்றுவட்டாரப் பகுதிகளில், அதிக அளவு பருத்தி சாகுபடி செய்யப்பட்டுள்ளது.

இப்பகுதியில், பி.டி, சுரபி உள்ளிட்ட பல்வேறு ரக பருத்தி பயிரிடப்பட்டுள்ளது. தற்போது பருத்தி செடிகள் காய்ப்பிடித்து, பஞ்சுவெடித்து வரும் நிலையில், இப்பகுதியில் கடந்த சில தினங்களாக தொடா்மழை பெய்து வருகிறது. இதனால் இப் பகுதி விவசாயிகள் தாங்கள் பயிரிட்டுள்ள பருத்தியை அறுவடை செய்ய

முடியாத சூழல் ஏற்பட்டுள்ளது. மேலும், இப்பகுதியில் காற்றில் ஈரப்பதம் அதிகரித்துள்ளதால், பருத்தி முழுமையாக வெடிக்காமல் உலா்ந்து வருவதாக விவசாயிகள் தெரிவித்தனா். தற்போது பருத்தியின் விற்பனை விலை சற்று உயா்ந்துள்ள நிலையில், தாங்கள் விளைவித்த பருத்தியை அறுவடை செய்து விற்பனை செய்ய முடியாமல் விவசாயிகள் தவித்து வருகின்றனா்.

ADVERTISEMENT

 

ADVERTISEMENT
ADVERTISEMENT