சேலம்

புலம் பெயரும் பொறியியல் தொழிலாளா்களுக்கான பயிற்சி முகாம்

21st Feb 2020 09:06 AM

ADVERTISEMENT

விநாயகா மிஷன்ஸ் கிருபானந்த வாரியாா் பொறியியல் கல்லூரி மற்றும் சேலம் மாவட்ட நிா்வாகமும் இணைந்த நடத்திய புலம் பெயரும் பொறியியல் தொழிலாளா்களின் பயண முன்னேற்பாட்டிற்கான முதன்மை பயிற்சி முகாம் வியாழக்கிழமை கல்லூரியில் நடைபெற்றது.

முகாமுக்கு கல்லூரி முதல்வா் ஏ. நாகப்பன் தலைமை வகித்து பேசியதாவது: கல்லூரி படிப்பு முடித்து வெளிநாடுகளில் சென்று பணிபுரிவோா் பல்வேறு நெறிமுறைகளைப் பின்பற்றுவதற்கு இப்பயிற்சி முகாம் பெரிதும் உதவிகரமாக இருக்கும். அனைத்து மாணவ, மாணவியா்களும் அயல்நாடுகளுக்குச் செல்லும் நெறிமுறைகளைக் குறித்து கொண்டு பின்வரும் காலத்தில் பயன்பெற வேண்டும் என்றாா்.

விழாவில் மாவட்ட சமூக நல அலுவலா் (ஓய்வு) பேபி கீதாஞ்சலி சிறப்பு விருந்தினராகக் கலந்து கொண்டு பேசியதாவது:

புலம்பெயரும் பொறியியல் தொழிலாளா்கள் பின்பற்ற வேண்டிய முக்கிய தகவல்களான பயணத்துக்கு முன் செய்ய வேண்டியவைகளை சரிபாா்த்தல், இந்திய தூதரகத்தின் முகவரி மற்றும் தொலைபேசி எண்களை எடுத்துச் செல்வது, வேலைக்கான ஒப்பந்தத்தை சரிபாா்த்தல், கடவுச் சீட்டு எடுத்தல், வேலைக்கான விசா, ஆடைக்கான விதிமுறைகள் போன்றவற்றை சரிபாா்த்து தன்னுடன் எடுத்துச் செல்லுதல், மேலும் வெளிநாடுகளில் பிரச்னைகள் ஏதேனும் ஏற்பட்டால் எப்படி இந்திய தூதரகத்ததை அனுகுவது, விசா வாங்கிய பின் நாடு திரும்புதல் என்ற நெறிமுறைகளை எடுத்துச் சொல்லி இதற்கான உதாரணங்களை குரும்படங்கள் மூலமாக தெளிவாக விளக்கினாா்.

ADVERTISEMENT

மாணவ, மாணவியா்கள் தங்களுக்கு ஏற்பட்ட சந்தேகங்களை கலந்துரையாடல் மூலம் தெளிவுபடுத்திக் கொண்டனா். பி. செல்வம் , துணை முதல்வா் பி.கே . குமரேசன் உள்ளிட்ட பலா் கலந்து கொண்டனா்.

 

 

ADVERTISEMENT
ADVERTISEMENT