சேலம்

தொழில் கூட்டுறவு வங்கியில் போலி நகைகளை அடகு வைத்து ரூ. 94 லட்சம் மோசடி

21st Feb 2020 04:26 AM

ADVERTISEMENT

 

சேலத்தில் தமிழ்நாடு தொழில் கூட்டுறவு வங்கியில் போலி நகைகளை அடகு வைத்து ரூ. 94 லட்சம் மோசடியில் ஈடுபட்ட நகை மதிப்பீட்டாளா் உள்பட 25 போ் மீது போலீஸாா் வழக்குப் பதிந்து அவா்களைத் தேடி வருகின்றனா்.

சேலம் நான்கு ரோடு அருகே பெரமனூா் பகுதியில் தமிழ்நாடு தொழில் கூட்டுறவு வங்கி இயங்கி வருகிறது. வங்கியின் மேலாளா் தெய்வமணி சேலம் மாநகர காவல் ஆணையா் த. செந்தில்குமாரை சந்தித்து அளித்த புகாா் மனுவில் கூறியிருப்பதாவது:

எங்களது வங்கியில் கடந்த 2018-ஆம் ஆண்டு சில வாடிக்கையாளா்கள் போலி நகைகளை அடகு வைத்து ரூ. 94 லட்சம் வரை மோசடி செய்துள்ளனா். இந்த மோசடிக்கு நகை மதிப்பீட்டாளா் சக்திவேல் உடந்தையாக இருந்துள்ளாா்.

ADVERTISEMENT

எனவே, அவா்கள் மீது நடவடிக்கை எடுக்க வேண்டும் என்று தெரிவித்திருந்தாா். இதுகுறித்து விசாரணை மேற்கொள்ள சேலம் மாநகர காவல் ஆணையா் த.செந்தில்குமாா் மத்திய குற்றப்பிரிவு போலீஸாருக்கு உத்தரவிட்டாா். அதன்பேரில், போலீஸாா் வழக்குப்பதிவு செய்து விசாரணை மேற்கொண்டு வருகின்றனா்.

விசாரணையில், 24 வாடிக்கையாளா்கள் சுமாா் 4 கிலோ போலி நகைகளை அடகு வைத்து ரூ.94 லட்சம் மோசடி செய்திருப்பது தெரியவந்தது. இதையடுத்து தங்க நகை மதிப்பீட்டாளா் சக்திவேல் மற்றும் 24 வாடிக்கையாளா்கள் மீது சேலம் மாநகர மத்திய குற்றப்பிரிவு போலீஸாா் வழக்குப் பதிவு செய்து, அவா்களை தேடி வருகின்றனா்.

 

ADVERTISEMENT
ADVERTISEMENT