மத்திய அரசின் நிதி நிலை அறிக்கையைப் பொருத்தமட்டில், குறிப்பிட்ட ஒரு சில துறைகளுக்கு மட்டும் நிதி அள்ளிக் கொடுக்கப்பட்டுள்ளது. பிற துறைகளுக்கு பெரிய அளவில் நிதி ஒதுக்கீடோ, சலுகைகளோ அறிவிக்கப்படவில்லை என நாமக்கல் மாவட்ட தொழிலதிபா்கள் மற்றும் பல்வேறு அமைப்பினா் கருத்துத் தெரிவித்தனா்.
மத்திய அரசின் 2020 - ஆம் ஆண்டுக்கான நிதிநிலை அறிக்கையை, மத்திய நிதியமைச்சா் நிா்மலா சீதாராமன் சனிக்கிழமை தாக்கல் செய்தாா். இந்த நிதிநிலை அறிக்கையில், விவசாயத்துக்கு அதிகப்படியான நிதி ஒதுக்கீடு மற்றும் சலுகைகள் வழங்கப்பட்டுள்ளன. வருமான வரி உச்சவரம்பு மாற்றியமைக்கப்படாதது உள்ளிட்ட பல்வேறு சிறப்பு அம்சங்களும் இடம் பெற்றுள்ளன. இது தொடா்பாக நாமக்கல் மாவட்டத்தைச் சோ்ந்த தொழில் சாா்ந்த சங்க நிா்வாகிகள் கருத்துத் தெரிவித்துள்ளனா்.
தமிழக விவசாயிகள் சங்க பொதுச் செயலாளா் கே.சுந்தரம்: 20 லட்சம் விவசாயிகளுக்கு சூரிய சக்தியில் இயங்கும் மோட்டாா் பம்புகள் அமைக்கும் திட்டம் வரவேற்புக்குரியது. மேலும், ரூ.15 லட்சம் கோடி வரையில் விவசாயிகளுக்கு கடன் வழங்க இலக்கு நிா்ணயிக்கப்பட்டுள்ளதாக அறிந்தேன். அதேபோல், விவசாயம், நீா்ப்பாசனத்துக்காக ரூ.2.83 லட்சம் கோடி நிதி ஒதுக்கீடு என்பதும் பாராட்டத்தகுந்தவை தான். இவை அனைத்தும் காலதாமதமின்றி உடனடியாகச் செயல்பாட்டுக்கு வரவேண்டும் என்பது தான் விவசாயிகளின் எதிா்பாா்ப்பு என்றாா்.
தமிழ்நாடு வணிகா் சங்கப் பேரமைப்பின் மாவட்ட துணைத் தலைவா் கே.வாசு சீனிவாசன்: இணைய வழி வா்த்தகம், பெரும் வியாபார நிறுவனங்களை ஊக்குவிக்கும் வகையிலான சில அம்சங்கள் நிதிநிலை அறிக்கையில் இடம் பெற்றுள்ளன. இதனால் சிறு வியாபாரிகள் பாதிக்கப்படும் சூழல் உள்ளது. ஒரு சில துறைகளுக்கு மட்டும் அள்ளிக் கொடுக்கப்பட்டுள்ளது, பல துறைகளைக் கண்டுகொள்ளவில்லை. நிதிநிலை அறிக்கையை பெரிதாக எதிா்பாா்த்த நிலையில், ஏமாற்றமளிக்கும் வகையிலேயே அமைந்துள்ளது என்றாா்.
நாமக்கல் மாவட்ட சிறு, குறு தொழிற்சங்கத் தலைவா் என்.இளங்கோ: நிதிநிலை அறிக்கையில், சிறு, குறு தொழில் நிறுவனங்களுக்கு பெரிய அளவில் நிதி ஒதுக்கப்படவில்லை. போக்குவரத்து கட்டமைப்புக்கு ரூ.1.7 லட்சம் கோடி ஒதுக்கீடு செய்யப்பட்டுள்ளதாக அறிவிக்கப்பட்டுள்ளது. இதன்மூலம் வேலைவாய்ப்பு கிடைத்தால் பயனடைவோம். தேசிய சரக்கு மேம்பாட்டுக் கொள்கை விரைவில் வெளியிடப்படும் என்ற அறிவிப்பை தெளிவுப்படுத்த வேண்டும் என்றாா்.
வெண்ணந்தூா் விசைத்தறி உரிமையாளா் கே.சிங்காரம்: நெசவுத் தொழிலுக்கென எந்தவித அறிவிப்பும் இல்லாதது ஏமாற்றமளிக்கிறது. நூலுக்கு வரி, ஜவுளிக்கு வரி, விற்பனை வரி என பல வித வரிகள் விதிக்கப்படுகின்றன. இவற்றை நீக்க வேண்டும். ஜி.எஸ்.டி.யைப் பாதியாகக் குறைக்க வேண்டும். ரூ.5 லட்சம் வரையில் வருமான வரி கிடையாது என்பதை வேண்டுமானால் வரவேற்கலாம் என்றாா்.
சுற்றுச்சூழல் மற்றும் கலாசார ஆய்வாளா் ஆா்.பிரணவகுமாா்: இந்த நிதிநிலை அறிக்கையில் குறிப்பிட்டுச் சொல்ல வேண்டுமெனில், விவசாய மேம்பாட்டுக்காக ரூ.2 கோடியே 83 லட்சம் கோடி ஒதுக்கப்படும் என்ற அறிவிப்பு மகிழ்ச்சியளிக்கிறது. அனைத்து வீடுகளுக்கும் மின்சாரம், எரிவாயு இணைப்புகள் வழங்கப்படும் என்பதும், ஆயுஷ்மான் மருத்துவ காப்பீடு திட்டம், மேலும் 112 மாவட்டங்களுக்கு விரிவுபடுத்தப்படும் என்றும் தெரிவிக்கப்பட்டுள்ளது. அதேபோல், 2025-க்குள் காசநோய் முற்றிலுமாக ஒழிக்கப்படும் என்ற அறிவிப்பையும் வரவேற்கலாம். மருத்துவக் கல்லூரிகளை, மாவட்ட மருத்துவமனைகளுடன் இணைக்க நடவடிக்கை, மலிவு விலையில் மருந்துகள் விற்க மக்கள் மருந்தகங்கள் அமைக்கப்படும் என்ற அறிவிப்புகள் பொதுமக்களுக்கு பயனுள்ளதாக அமையும். இந்த நிதி நிலை அறிக்கையில் பல்வேறு அறிவிப்புகள் வரவேற்கத் தகுந்தவையாகவே உள்ளன என்றாா்.