சேலம்

தூய்மை பணியாளா்களுக்கு கள்ளக்குறிச்சி எம்.பி. நிவாரண உதவி

7th Apr 2020 12:35 AM

ADVERTISEMENT

ஆத்தூா்: ஆத்தூா் நகராட்சியில் பணிபுரியும் தூய்மைப் பணியாளா்களுக்கு கள்ளக்குறிச்சி எம்பி பொன். கௌதமசிகாமணி தனது சொந்த தொகுதி நிதி செலவில் அரிசி, மளிகைப் பொருள்களை வழங்கினாா்.

சேலம் மாவட்டம் ஆத்தூா் நகராட்சியில் பணிபுரியும் நகராட்சி தூய்மை பணியாளா்கள் 250 பேருக்கு பொருள்கள் வழங்கப்பட்டன. நிகழ்ச்சிக்கு சேலம் கிழக்கு மாவட்ட பொறுப்பாளா் எஸ்.ஆா்.சிவலிங்கம் தலைமை வகித்தாா். ஆத்தூா் நகரச் செயலாளா் கே.பாலசுப்ரமணியம், மாவட்ட நிா்வாகி ஏஏஏ .ஆறுமுகம், துணைச் செயலாளா் ஏ.ஜி. ராமச்சந்திரன், முன்னாள் நகர மன்றத் தலைவா் பூங்கொடி சிவக்குமாா், முன்னாள் நகர மன்ற உறுப்பினா்கள் உள்ளிட்டோா் கலந்து கொண்டனா்.

இதேபோல் ஆத்தூா் அரசு மருத்துவமனைக்கு சென்ற எம்.பி. அங்கு தலைமை மருத்துவா் குருநாதன் கந்தையாவிடம் தற்போதைய கரோனா நிலவரத்தை விசாரித்தாா். ஏற்கெனவே, கரோனோ தொற்றுநோய்க்காக பொருள்களை வாங்குவதற்கு ரூ.10 லட்சம் தனது தொகுதி நிதியில் இருந்து வழங்கியுள்ள நிலையில், முழு உடல் கவசம், கையுறைகள்,கை கழுவும் மருந்து, முகக்கவசம் அடங்கிய ரூ. 2.5 லட்ச மதிப்பிலான பொருள்களை தலைமை மருத்துவரிடம் வழங்கினாா்.

ADVERTISEMENT
ADVERTISEMENT