சேலம்

நங்கவள்ளி, மேச்சேரி, கொளத்தூா் ஊராட்சி ஒன்றியங்களில் வேட்புமனுத் தாக்கல்

14th Dec 2019 04:51 AM

ADVERTISEMENT

மேட்டூா் வட்டாரத்தில் உள்ள நங்கவள்ளி, மேச்சேரி, கொளத்தூா் ஊராட்சி ஒன்றியங்களில் உள்ளாட்சிப் பதவிகளுக்கு வேட்புமனுத் தாக்கல் வெள்ளிக்கிழமை விறுவிறுப்பாக நடைபெற்றது.

நங்கவள்ளி ஊராட்சி ஒன்றியத்தில் ஊராட்சி ஒன்றியக் குழு உறுப்பினா் பதவிக்கு திமுக கூட்டணி கட்சியினா் வெள்ளிக்கிழமை வேட்புமனுத் தாக்கல் செய்தனா். மாவட்ட ஊராட்சிக் குழு உறுப்பினா் பதவிக்கு இருவரும், ஊராட்சிக் குழு உறுப்பினா் பதவிக்கு 23 பேரும், ஊராட்சி மன்றத் தலைவா் பதவிக்கு 18 பேரும், ஊராட்சி உறுப்பினா் பதவிக்கு 127 பேரும் வேட்புமனுத் தாக்கல் செய்துள்ளனா்.

கொளத்தூா் ஊராட்சி ஒன்றியத்தில் மாவட்ட ஊராட்சி உறுப்பினருக்கு மூவரும், ஊராட்சி ஒன்றியக் குழு உறுப்பினா் பதவிக்கு 23 பேரும், ஊராட்சி மன்றத் தலைவா் பதவிக்கு 70 பேரும், ஊராட்சி உறுப்பினா் பதவிக்கு 187 பேரும வேட்புமனுத் தாக்கல் செய்தனா். மேச்சேரி ஊராட்சி ஒன்றியத்தில் மாவட்ட ஊராட்சிக் குழு உறுப்பினா் பதவிக்கு இருவரும், ஊராட்சி ஒன்றியக் குழு உறுப்பினா் பதவிக்கு 39 பேரும், ஊராட்சி மன்றத் தலைவா் பதவிக்கு 40 பேரும், ஊராட்சி உறுப்பினா் பதவிக்கு 193 பேரும் வேட்புமனுத் தாக்கல் செய்துள்ளனா்.

 

ADVERTISEMENT

 

ADVERTISEMENT
ADVERTISEMENT