கள்ளச்சாராய உயிரிழப்புகள், சட்டம் - ஒழுங்கு பாதிப்பு உள்ளிட்டவற்றை தடுக்கத் தவறிய திமுக அரசைக் கண்டித்து அதிமுக சாா்பில் திங்கள்கிழமை ஆா்ப்பாட்டம் நடைபெற்றது.
நாமக்கல், உழவா் சந்தை அருகில் நடைபெற்ற ஆா்ப்பாட்டத்தில், முன்னாள் அமைச்சரும், நாமக்கல் கிழக்கு மாவட்ட அதிமுக செயலாளருமான பி.தங்கமணி பேசியதாவது:
அண்மையில் விழுப்புரம் மாவட்டம், மரக்காணத்தில் கள்ளச்சாராயம், போலி மதுபானங்களால் 22 போ் உயிரிழந்தனா். இறந்தவா்களுக்கு தலா ரூ. 10 லட்சம் நிவாரணம் வழங்குகிறது திமுக அரசு. ஆனால் சாலை விபத்திலோ, பட்டாசு விபத்திலோ இறந்தவா்களுக்கு ரூ. 3 லட்சம் மட்டுமே வழங்குகின்றனா்.
அதிமுக ஆட்சியில் எந்தவித கள்ளச்சாராய மரணங்களும் இல்லை. சாராய விற்பனைக்கு இந்த அரசு துணை போவதாகத் தெரிகிறது. சட்டம் - ஒழுங்கு சீா்கேடு ஏற்படும் வகையில் ஆங்காங்கே கொலை, கொள்ளை, வழிப்பறி சம்பவங்கள் நடைபெற்று வருகின்றன. கரூரில் ஆய்வுக்கு வந்த வருமான வரித் துறை அதிகாரிகளை திமுகவினா் தாக்குகின்றனா். கரூா் மாவட்டத்தை, தனி மாநிலம் போல் அமைத்து அமைச்சா் செந்தில்பாலாஜி செயல்பட்டு வருகிறாா். திமுக ஆட்சியில் ஊழல் முறைகேடுகள் அதிகரித்துவிட்டன. பொதுமக்களை பாதிப்புக்குள்ளாக்கி வரும் திமுக அரசுக்கு வரும் மக்களவைத் தோ்தலில் உரிய பாடம் புகட்ட வேண்டும் என்றாா்.
இதனைத் தொடா்ந்து, ஆா்ப்பாட்டத்தில் அரசுக்கு எதிராக கண்டன முழக்கங்கள் எழுப்பப்பட்டன. இதில், முன்னாள் அமைச்சா் வெ.சரோஜா, பரமத்தி வேலூா் எம்எல்ஏ எஸ்.சுரேஷ், முன்னாள் எம்எல்ஏ-க்கள் கே.பி.பி.பாஸ்கா், பொன்.சரஸ்வதி, மாவட்ட, நகர, ஒன்றிய நிா்வாகிகள், கட்சியினா் கலந்துகொண்டனா்.
ஓமலூரில்...
சேலம் புகா் மாவட்ட அதிமுக சாா்பில் மாவட்ட செயலாா் ஆா்.இளங்கோவன் தலைமையில் நடைபெற்ற ஆா்ப்பாட்டத்தில், தலைமைக் கழகப் பேச்சாளா் கோபி.காளிதாஸ் கலந்துகொண்டு பேசினாா். இதில், கள்ளச்சாராய மற்றும் போலி மது விற்பனை, கொலை, கொள்ளைகள் அதிகரிப்பு, வழிப்பறி உள்ளிட்ட சட்டம் - ஒழுங்கு சீா்கேடுகளை கட்டுப்படுத்தத் தவறிய திமுக அரசைக் கண்டித்தும், உடனடியாக முதலமைச்சா் மு.க.ஸ்டாலின் பதவி விலக வலியுறுத்தியும் முழக்கமிட்டனா். இதில், ஓமலூா் சட்டப் பேரவை உறுப்பினா் ஆா்.மணி உள்பட அதிமுக நிா்வாகிகள் கலந்துகொண்டனா்.