நாமக்கல் மாவட்டத்தில் 119 மாற்றுத் திறனாளிகளுக்கு ரூ. 68.66 லட்சம் மதிப்பிலான பெட்ரோல் வாகனங்கள், திறன் கைப்பேசிகளை மாநிலங்களவை உறுப்பினா் கே.ஆா்.என்.ராஜேஸ்குமாா் சனிக்கிழமை வழங்கினாா்.

நாமக்கல் ஆட்சியா் அலுவலகத்தில் நடைபெற்ற நிகழ்ச்சிக்கு மாவட்ட ஆட்சியா் ச.உமா தலைமை வகித்தாா். நாமக்கல் தொகுதி மக்களவை உறுப்பினா் ஏ.கே.பி.சின்ராஜ், நாமக்கல் சட்டப் பேரவை உறுப்பினா் பெ.ராமலிங்கம் ஆகியோா் முன்னிலை வகித்தனா். இதில், 20 மாற்றுத் திறனானிகளுக்கு தலா ரூ.1.05 லட்சம் வீதம் ரூ. 21 லட்சம் மதிப்பில் முதுகு தண்டுவடம் பாதிக்கப்பட்டோருக்கான இணைப்பு சக்கரங்கள் பொருத்தப்பட்ட பெட்ரோல் வாகனங்களும், 49 பேருக்கு தலா ரூ.83 ஆயிரம் வீதம் ரூ.40.91 லட்சம் மதிப்பில் இணைப்பு சக்கரங்கள் பொருத்தப்பட்ட பெட்ரோல் வாகனங்களும், 50 பேருக்கு தலா ரூ.13,500 வீதம் ரூ.6.75 லட்சம் மதிப்பில் பாா்வையற்றோா் மற்றும் செவித்திறன் குறைபாடுடையோருக்கான திறன் பேசிகள் வழங்கப்பட்டன.

முன்னதாக, நாமக்கல், லத்துவாடி அறிஞா் அண்ணா அரசு கலைக் கல்லூரியில், மறைந்த முன்னாள் முதல்வா் கருணாநிதியின் நூற்றாண்டு விழாவையொட்டி, மாநில நெடுஞ்சாலை துறை நாமக்கல் கோட்டம் சாா்பில் 12 ஆயிரம் மரக்கன்றுகள் நடும் பணியினை மாநிலங்களவை உறுப்பினா் கே.ஆா்.என்.ராஜேஸ்குமாா், ஆட்சியா் ச.உமா ஆகியோா் தொடங்கி வைத்தனா்.

நிகழ்ச்சியில், மாவட்ட ஆட்சியரின் நோ்முக உதவியாளா் (பொது) த. சிவசுப்ரமணியன், மாற்றுத் திறனாளிகள் நல அலுவலா் (பொ) சீ.சந்திரமோகன், மாற்றுத் திறனாளிகள் நலத்துறை முடக்கு தொழில்நுட்பாளா் சு.குருபிரகாசம், அரசுத் துறை அலுவலா்கள், உள்ளாட்சி அமைப்புகளின் பிரதிநிதிகள் கலந்து கொண்டனா்.