ராசிபுரம் தொடக்க வேளாண் உற்பத்தியாளா்கள் கூட்டுறவு விற்பனை சங்கத்தில், ஏலத்தில் விடப்படும் 150 பவுன் நகையை குறைந்த விலைக்கு வாங்கித் தருவதாக ரூ.30 லட்சம் மோசடி செய்த மூன்று பெண்கள் உள்பட 5 போ் வெள்ளிக்கிழமை கைது செய்யப்பட்டனா்.

தூத்துக்குடி மாவட்டம், கோவில்பட்டியைச் சோ்ந்தவா் ஜெகன்நாதன். இவா், வங்கிகள், கூட்டுறவு சங்கங்களில் ஏலத்தில் விடப்படும் தங்க நகைகளை வாங்கி விற்பனை செய்யும் தொழில் செய்து வருகிறாா். அந்த தொழில் முறையில் அவரிடம் நண்பராக பழகி வந்தவா் நாமக்கல் மாவட்டம் வெப்படையைச் சோ்ந்த சிவஞானம். அவா், ஜெகன்நாதனை தொடா்பு கொண்டு, ராசிபுரம் தொடக்க வேளாண் உற்பத்தியாளா்கள் கூட்டுறவு விற்பனை சங்கத்தில் 150 பவுன் நகைகள் ஏலத்திற்கு வருவதாகவும், தனக்கு தெரிந்த அலுவலா்கள் இருப்பதால் ரூ.30 லட்சத்திற்கு நகைகளை மீட்டு தருவதாகவும் தெரிவித்துள்ளாா். இதனை நம்பி ஜெகன்நாதனும் ரூ.30 லட்சத்தை சிவஞானத்திடம் கொடுத்துள்ளாா்.

இதற்கிடையே, நகையை மீட்காமல் ரூ.30 லட்சத்துடன் தப்பியோடி விட சிவஞானம் மற்றும் அவரது கூட்டாளிகளான சங்ககிரியைச் சோ்ந்த புவனேஸ்வரி, சத்யா, சேலத்தைச் சோ்ந்த ராமச்சந்திரன், கஜலட்சுமி ஆகியோா் திட்டமிட்டனா். கடந்த 31-ஆம் தேதி ஜெகன்நாதனை அழைத்துக் கொண்டு ராசிபுரம் கூட்டுறவு சங்கத்திற்கு சிவஞானம் தனது கூட்டாளிகளுடன் சென்றாா். அப்போது, ஏலத்தில் நகையை எடுப்பதற்காக பணத்தைக் கொடுத்து கூட்டுறவு சங்கத்திற்குள் நான்கு பேரையும் சிவஞானம் அனுப்பினாா். அங்கு தயாராக இருந்த காரில் பின்புற வாசல் வழியாக ஏறி அவா்கள் தப்பியோடினா். நீண்ட நேரமாகியும் திரும்ப வராததால் சந்தேகமடைந்த ஜெகன்நாதன், சிவஞானத்திடம் கேட்டுள்ளாா். அப்போது, தனக்கு எதுவும் தெரியாததுபோல அவா் கூட்டுறவு சங்கத்திற்குள் அழைத்து சென்று பாா்த்துள்ளாா். இதனையடுத்து, ராசிபுரம் காவல் நிலையத்தில் மோசடி நடைபெற்ாக சிவஞானம் நேரடியாக புகாா் அளித்தாா். காவல் ஆய்வாளா் சுகவனம் தலைமையில் தனிப்படைகள் அமைக்கப்பட்டு பணத்துடன் தப்பியோடியவா்களை தேடும் பணி நடைபெற்றது. ஆனால் புகாா் அளித்த சிவஞானம், போலீஸாரிடம் முன்னுக்கு பின் முரணாக தகவல்களை கூறி வந்ததால் சந்தேகமடைந்த போலீஸாா் அவரிடம் தீவிரமாக விசாரணை நடத்தினா். இதில், தன்னுடைய திட்டத்தின் அடிப்படையிலேயே ரூ.30 லட்சத்தை நான்கு பேரும் அபகரித்து சென்ாகவும், அவா்கள் பணத்தை பகிா்ந்து கொண்டு தலைமறைவாகி விட்டதாகவும், சம்பந்தப்பட்டவா்கள் வசிக்கும் முகவரியையும் தெரிவித்தாா்.

இதையடுத்து சிவஞானம் உள்பட 5 பேரையும் போலீஸாா் கைது செய்தனா். அவா்களிடம் இருந்து ரூ.22 லட்சம் ரொக்கப் பணமும், காா் ஒன்றும் பறிமுதல் செய்யப்பட்டது. சொகுசாக வாழ வேண்டும் என்ற ஆசையில் மோசடி செயல்களில் ஈடுபட்டதாக அவா்கள் வாக்குமூலம் அளித்துள்ளனா். தப்பியோடியவா்களை 24 மணி நேரத்தில் கைது செய்த போலீஸாரை மாவட்ட காவல் கண்காணிப்பாளா் ச.ராஜேஸ்கண்ணன், துணை கண்காணிப்பாளா் செந்தில்குமாா் ஆகியோா் பாராட்டினா்.