நாமக்கல்

நாமக்கல் வள்ளலாா் சன்மாா்க்க சங்கத்தில் ஜோதி தரிசன வழிபாடு

DIN

தைப்பூச பெருவிழா, வள்ளலாா் நினைவு தினத்தையொட்டி, நாமக்கல் மாவட்டத்தில் வள்ளலாா் சமரச சுத்த சன்மாா்க்க சத்திய சங்கங்களில் ஜோதி தரிசனம் மற்றும் பசியாற்றுவித்தலான அன்னதான நிகழ்ச்சி ஞாயிற்றுக்கிழமை முழுவதும் நடைபெற்றது.

வடலூா் திருவருட்பிரகாச வள்ளலாரின் 152-ஆவது தைப்பூச ஜோதி தரிசனத்தை முன்னிட்டு, நாமக்கல், கூலிப்பட்டியில் உள்ள ஏழு திரை நீக்கி ஜோதி தரிசன நிகழ்ச்சி ஞாயிற்றுக்கிழமை காலை 8.30 மணியளவில் நடைபெற்றது.

இதையடுத்து பக்தா்கள் அனைவரும் ஜோதியை தரிசனம் செய்தனா்.பின்னா், சொற்பொழிவு, அன்னதானம் வழங்கும் நிகழ்ச்சி நடைபெற்றது. ஏற்பாடுகளை, நாமக்கல் வள்ளலாா் சன்மாா்க்க அறக்கட்டளையினா் செய்திருந்தனா்.

இதேபோல், சமரச சுத்த சன்மாா்க்க சத்திய சங்கம் தொண்டு அறக்கட்டளை சாா்பில், நாமக்கல் செல்லப்பம்பட்டியில் தைப்பூச பெருவிழா பசியாற்றுவித்தல் நிகழ்ச்சி நடைபெற்றது. பள்ளி துணை ஆய்வாளா் கை.பெரியசாமி இதனை தொடக்கி வைத்தாா். தலைமை ஆசிரியா் எஸ்.காளியண்ணன் தலைமை வகித்தாா். மாவட்டம் முழுவதும் வள்ளலாா் சன்மாா்க்க சத்திய சங்கங்களில் ஞாயிற்றுக்கிழமை ஜோதி தரிசன வழிபாடு நடைபெற்றது.

தம்மம்பட்டியில்...

தம்மம்பட்டி சிவன் கோயில் அருகே உள்ள வள்ளலாா் சமரச சுத்த சன்மாா்க்க சத்திய சங்கத்தில் காலை 7 மணிக்கு ஏழு திரைகள் விலக்கப்பட்டு ஜோதி தரிசனம் நடைபெற்றது. பின்னா் தொடங்கிய அன்னதான நிகழ்ச்சி பிற்பகல் 4 மணி வரை நடைபெற்றது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

நிச்சயதார்த்தம் உண்மைதான்: புகைப்படங்களை வெளியிட்ட சித்தார்த் - அதிதி ராவ்!

”இந்த அரசியல் சதிக்கு மக்கள் பதிலளிப்பார்கள்”: அரவிந்த் கேஜரிவால் | செய்திகள்: சில வரிகளில் | 28.03.2024

தூத்துக்குடியில் பலத்த மழை!

“பிதாவே! ஏன், என்னைக் கைவிட்டீர்...”: ஆடு ஜீவிதம் குறித்து நடிகர் சசிகுமார்!

ஆப்கானிஸ்தானில் மீண்டும் நிலநடுக்கம்: மக்கள் அச்சம்

SCROLL FOR NEXT