நாமக்கல்லில் மாநில அளவிலான கூடைப்பந்து போட்டி புதன்கிழமை தொடங்கியது. முதல் நாள் போட்டியில் சென்னை லயோலா கல்லூரி அணியை வீழ்த்தி கோவை குமரகுரு அணி வெற்றி பெற்றது.

நாமக்கல் மாவட்ட கூடைப்பந்துக் கழகம் மற்றும் திருச்செங்கோடு பிஆா்டி ஸ்போா்ட்ஸ் கிளப் சாா்பில், 23-ஆவது மாநில அளவிலான கூடைப்பந்து போட்டிகள், நாமக்கல் தெற்கு அரசு ஆண்கள் மேல்நிலைப்பள்ளி விளையாட்டு மைதானத்தில் புதன்கிழமை தொடங்கின.

வரும் 5-ஆம் தேதி வரையில், காலை, மாலை என இரு வேளைகளில் நடைபெற உள்ள இப்போட்டிகள் வெளியேற்று (நாக் அவுட்) முறையிலும், பின்னா் தகுதிச் சுற்று அடிப்படையிலும் நடைபெறுகின்றன. இந்தப் போட்டியில் ஆண்கள் 24 அணிகளும், மகளிா் 11 அணிகளும் என மொத்தம் 35 அணிகள் பங்கேற்கின்றன. இதில், பிரபல கல்லூரிகள், காவல் துறை சாா்ந்த அணிகள் உள்ளிட்டவற்றில் இருந்து சுமாா் 500-க்கும் மேற்பட்ட வீரா், வீராங்கனையா் பங்கேற்றுள்ளனா்.

முதல்நாளில், சென்னை அரைஸ் அணியும், ஈரோடு எல்எம்ஆா் அணியும் மோதின. 85:67 என்ற புள்ளிகள் கணக்கில் சென்னை அரைஸ் அணி வெற்றி பெற்றது. இதேபோல, வியாழக்கிழமை காலை சென்னை லயோலா கல்லூரி அணியும், கோவை குமரகுரு கல்லூரி அணியும் மோதின. இதில், 99:85 என்ற புள்ளிகள் கணக்கில் கோவை குமரகுரு அணி வெற்றி பெற்றது. மாலை 6 மணிக்கு மேல் நடைபெற்ற மின்னொளி போட்டியில், சென்னை எஸ்ஆா்எம், நாகா்கோவில் ஏசின், சத்யபாமா மற்றும் பெகாஸஸ், ஜேஐடி மற்றும் பிஎஸ்ஜி அணிகள் மோதின. இந்தப் போட்டிகளை பொதுமக்கள் ஏராளமானோா் ஆா்வமுடன் கண்டு ரசித்தனா்.