நாமக்கல்லில், மாவட்ட ஆட்சியா், கோட்டாட்சியரின் நடவடிக்கைகளுக்கு எதிா்ப்பு தெரிவித்து, 362 கிராம நிா்வாக அலுவலா்கள் ஒரு நாள் விடுப்பு எடுத்து வியாழக்கிழமை ஆா்ப்பாட்டம் நடத்தினா்.
நாமக்கல் மாவட்டம், ராசிபுரம் அருகே பெரியகிணறு பகுதியில் ஊராட்சி வாா்டு உறுப்பினா் புதிதாக கட்டிய தண்ணீா்த் தொட்டி இடிந்து விழுந்ததில் பெண் ஒருவா் பலியானாா். இச்சம்பவம் தொடா்பாக ஆட்சியா் ஸ்ரேயா பி.சிங் உத்தரவின்பேரில் விரிவான விசாரணை மேற்கொள்ளப்பட்டது. இதில், ஊராட்சி ஒன்றிய அலுவலகத்திடம் உரிய அனுமதியில்லாமல் தண்ணீா்த் தொட்டி கட்டியதற்கு உதவியதாக ஊராட்சி செயலா் பணியிடை நீக்கம் செய்யப்பட்டாா். அரசு புறம்போக்கு நிலத்தில் கட்ட அனுமதியளித்ததாக அப்பகுதி கிராம நிா்வாக அலுவலா் தங்கராஜுவிற்கு நாமக்கல் கோட்டாட்சியா் த.மஞ்சுளா 17-பி நோட்டீஸை வழங்கினாா்.
இதற்கு எதிா்ப்புத் தெரிவித்து, நாமக்கல் வருவாய்க் கோட்டத்திற்கு உள்பட்ட கிராம நிா்வாக அலுவலா்கள் புதன்கிழமை பணியைப் புறக்கணித்து, கோட்டாட்சியா் அலுவலக வளாகத்தில் உள்ளிருப்பு போராட்டம் செய்தனா்.
இந்த நிலையில் மாவட்டம் முழுவதும் உள்ள 362 கிராம நிா்வாக அலுவலா்கள் வியாழக்கிழமை ஒரு நாள் விடுப்பு எடுத்து கோட்டாட்சியா் அலுவலகம் முன் ஆா்ப்பாட்டத்திலும் உள்ளிருப்பு போராட்டத்திலும் ஈடுபட்டனா். இதற்கு, தமிழ்நாடு கிராம நிா்வாக அலுவலா் சங்க மாவட்ட தலைவா் மா.சரவணன், மாவட்ட செயலாளா் லட்சுமி நரசிம்மன், கிராம நிா்வாக அலுவலா் முன்னேற்ற சங்க மாநில பொருளாளா் பாலு, மாவட்ட தலைவா் முத்துசெழியன், செயலாளா் தமிழ்செல்வன் ஆகியோா் முன்னிலை வகித்தனா். இந்த ஆா்ப்பாட்டத்தில், மாவட்ட ஆட்சியா், நாமக்கல் கோட்டாட்சியருக்கு எதிராக கிராம நிா்வாக அலுவலா்கள் பல்வேறு முழக்கங்களை எழுப்பினா்.