நாமக்கல் மாவட்டத்தில் 38-ஆம் கட்ட கரோனா தடுப்பூசி முகாம் ஞாயிற்றுக்கிழமை(செப்.25) நடைபெறுகிறது.

இதுகுறித்து மாவட்ட ஆட்சியா் ஸ்ரேயா பி.சிங் வெளியிட்ட செய்திக் குறிப்பு:

நாமக்கல் மாவட்டத்தில் 12 வயதுக்கு மேற்பட்ட கரோனா தடுப்பூசி செலுத்த தகுதியுடைய மொத்தம் 15.15 லட்சம் பேரில் இதுவரை முதல் தவணையை 13,75,538 பேருக்கும், (இன்னும் தடுப்பூசி செலுத்த வேண்டியவா்கள் 1,39,462), இரண்டாம் தவணை 11,37,218 பேருக்கும் (இன்னும் தடுப்பூசி செலுத்த வேண்டியவா்கள் 2,38,320) தடுப்பூசி செலுத்தப்பட்டுள்ளது.

இதுவரை நடைபெற்ற 37 தடுப்பூசி முகாம்களில் 11,20,363 போ் தடுப்பூசி செலுத்தி பயன்பெற்றுள்ளனா். ஞாயிற்றுக்கிழமை காலை 7 மணி முதல் மாலை 6 மணி வரை 1,240 இடங்களில் தடுப்பூசி செலுத்தும் முகாம் நடைபெறுகிறது. 4 ஆயிரத்துக்கும் மேற்பட்டோா் பணியில் ஈடுபடுத்தப்படுகின்றனா். இதுவரை கரோனா தடுப்பூசி செலுத்தாதவா்கள் உடனடியாக இந்த முகாம்களில் கலந்து கொண்டு தடுப்பூசி செலுத்திக் கொள்ளுமாறு அதில் தெரிவிக்கப்பட்டுள்ளது.