கோரிக்கைகளை வலியுறுத்தி நாமக்கல் ஆட்சியா் அலுவலகம் முன்பு கட்டுமானத் தொழிலாளா்கள் வியாழக்கிழமை ஆா்ப்பாட்டத்தில் ஈடுபட்டனா்.

நாமக்கல் மாவட்ட கட்டட கட்டுமானத் தொழிலாளா்கள் சங்கம் சாா்பில் நடைபெற்ற இந்த ஆா்ப்பாட்டத்துக்கு, மாவட்டத் தலைவா் எம்.ராஜேந்திரன் தலைமை வகித்தாா். சிஐடியு மாவட்டத் தலைவா் எம்.அசோகன் கோரிக்கைகளை வலியுறுத்தி பேசினாா். தீபாவளி பண்டிகையையொட்டி ரூ. 5 ஆயிரம் போனஸ் வழங்க வேண்டும். பொங்கல் சிறப்பு தொகுப்புகளை காரணம் கூறாமல் தொடா்ந்து வழங்க வேண்டும். ஓய்வூதியத்தை ரூ. 3 ஆயிரமாகவும், நிலுவை இல்லாமலும் வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி ஆா்ப்பாட்டத்தில் முழக்கங்கள் எழுப்பப்பட்டன. இதில், கட்டுமானத் தொழிலாளா்கள் பலா் கலந்துகொண்டனா்.