நாமக்கல்

முதல்வா் மாநில விளையாட்டு விருதுக்கு விண்ணப்பிக்கலாம்

20th May 2022 10:24 PM

ADVERTISEMENT

முதல்வா் மாநில விளையாட்டு விருதுக்கு தகுதியானோா் விண்ணப்பிக்கலாம் என நாமக்கல் ஆட்சியா் ஸ்ரேயா பி.சிங் தெரிவித்துள்ளாா்.

இது குறித்து அவா் வெளியிட்ட செய்திக் குறிப்பு:

ஒவ்வோா் ஆண்டும் பன்னாட்டு அளவிலும், தேசிய அளவிலும் பதக்கங்கள் பெற்று சிறந்து விளங்கும் தலா 2 ஆண்கள் மற்றும் பெண்கள், விளையாட்டு வீரா்கள், சிறந்த பயிற்றுநா்கள், சிறந்த உடற்கல்வி இயக்குநா், உடற்கல்வி ஆசிரியா்களுக்கு முதல்வா் மாநில விளையாட்டு விருது பரிசாக தலா ரூ. 1 லட்சம் வீதம், ரூ.10 ஆயிரம் மதிப்பிலான தங்கப்பதக்கம் மற்றும் பாராட்டுப்பத்திரம் ஆகியவை இளைஞா் நலன் மற்றும் விளையாட்டு மேம்பாட்டுத் துறையால் வழங்கப்படும். ஒவ்வொரு நிதியாண்டிலும் இந்த விருது (ஏப்ரல் 1 முதல் மாா்ச் 31 வரை) வழங்கப்பட்டு வருகிறது. விருது அறிவிக்கும் ஆண்டுக்கு முந்தைய மூன்று ஆண்டுகள் விளையாட்டில் சாதனைகள் படைத்த விவரங்களைச் சமா்ப்பித்தல் வேண்டும். இது தவிர விளையாட்டுப் போட்டிகளை நடத்தும் ஒரு நடத்துநா், ஒரு நிா்வாகி, ஓரு ஆதரவளிக்கும் நிறுவனம், ஒரு நன்கொடையாளா் (ரூ.10 லட்சத்திற்கும் அதிகமாக நன்கொடை அளித்தவா்), ஒரு ஆட்ட நடுவா் மற்றும் இதர நடுவா்களுக்கு முதல்வா் மாநில விளையாட்டு விருது வழங்கப்படுகிறது. இத்திட்டத்தின்படி 2021-2022-ஆம் ஆண்டிற்கான (1.4.2018 முதல் 31.3.2021 வரை) விளையாட்டில் சிறந்து விளங்கும் விளையாட்டு வீரா், வீராங்கனைகளுக்கு மற்றும் விளையாட்டுப் போட்டிகளை நடத்துவோருக்கு விருது வழங்கப்பட உள்ளது. முதல்வா் மாநில விளையாட்டு விருதுக்கான விண்ணப்பப் படிவம் மற்றும் விரிவான விதிமுறைகள் தமிழ்நாடு விளையாட்டு மேம்பாட்டு ஆணைய இணையதள முகவரியான றற.ளனயவ.வய்.பழஎ.ண்ய் ஈட்வவி:ஃஃறற.ளனயவ.வய்.பழஎ.ண்ய் மூலம் பெற்றுக்கொள்ளலாம். விண்ணப்பங்கள் அடங்கிய உறையின் மேல் முதலமைச்சா் மாநில விளையாட்டு விருதுக்கான விண்ணப்பம் என்று எழுதப்பட்டிருக்க வேண்டும். பூா்த்தி செய்த விண்ணப்பங்களை, சென்னை பெரியமேட்டில், ஜவாஹா்லால் நேரு விளையாட்டு அரங்கத்தில் உள்ள தமிழ்நாடு விளையாட்டு மேம்பாட்டு ஆணையத் தலைமை அலுவலக முகவரிக்கு ஜூன் 10-ஆம் தேதிக்குள் அனுப்பி வைக்க வேண்டும் என்று தெரிவிக்கப்பட்டுள்ளது.

 

ADVERTISEMENT

ADVERTISEMENT
ADVERTISEMENT